महेन्द्रनगर- धनुषाको क्षिरेश्वरनाथ नगरपालिकामा आज देखि प्रदेश २ स्तरिय पुरुष कब्बडी प्रतियोगिताको शुभारम्भ भएको छ ।
आन्तरिक मामिला तथा कानुन मन्त्रलाय प्रदेश नं. २ को आर्थिक सहयोगमा र स्वास्थानी युवा कलव सखुवा बजारको आयोजनामा सुरु भएको प्रदेश स्तरिय पुरुष कब्बडी प्रतियोगितामा धनुषा, सप्तरी, महोत्तरी, सर्लाही, बारा, पर्सा, रौतहट र सबैला गरी ८ ओटा टिमको सहभागीता रहेकोछ । प्रतियोगिता लिग म्याचको आधारमा खेलाइने बताइएको छ ।
त्यसको लागि समूह क मा धनुषा, सप्तरी, सर्लाही र पर्सा रहेका छन् भने समूह ख मा सबैला, महोत्तरी ,बारा र रौतहट रहेका छन् । लिग चरणको म्याच पछि माघ ३० गते हुने पहिलो सेमी फाइनल खेलमा समूह क को विजेता र समूहको ख को उपविजेता बीच हुने छ भने दोश्रो सेमी फाइनल खेल समुह ख को विजेता र समूह क को उपविजेता बीच हुने आयोजकले जनाएको छ ।
त्यसैगरी फागुन १ गते हुने फाइनल खेल पहिलो सेमिफाइनल विजेता विरुद्ध दोश्रो सेमिफाइनल विजेता संग हुने छ ।
आज भएको सबैला र महाेत्तरी बीचको पहिलो खेलमा सबैला विजयी भए भने दाेश्रो खेल धनुषा र सप्तरी बीच भएको मा धनुषा विजयी भएका छन् ।
सर्लाीही र पर्सा बीच भएको तेश्रो खेलमा सर्लाही तथा बारा र रौतहट बीच भएको चौथो खेलमा रौतहट र धनुषा र सर्लाही बीच भएको पाँचाौ खेलमा धनुषा विजयी भएका छन् ।
अब विहिवार सप्तरी र पर्सा , सबैला र बारा , धनुषा र पर्सा, सबैला र रौतहट बीच हुने छ ।
स्वस्थानी युवा कलबका अध्यक्ष जितेन्द्र कुमार रायको अध्यक्षता र प्रदेश २ आन्तरिक मामिला तथा कानुन मन्त्री ज्ञानकुमार यादवको प्रमुख आतिथीत्यतामा आज भएको प्रतियोगिताको उद्घाटन समारोहमा मन्त्री यादवले स्वास्थ्यको लागि खेलकुद र राष्ट्रको लागि खेलकुद मुल नाराको साथ प्रदेशका जिल्लाहरुमा प्रदेश सरकारले खेलकुद प्रतियोगिताहरुको आयोजना गरिरहेको बताए । उनले भने, ‘हामी ठाउँठाउँमा विभिन्न किसिमका खेलहरुको आयोजना गर्दै आएका छौं । खेल खेल्ने दौरान खेलाडीहरुले कस्ता कस्ता समस्या भोगिरहेको छ त्यो हामीलाई राम्रो सँग थाहा छ ।’
मन्त्री यादवले खेलाडीहरुले आफ्ना जिवनको अमुल्य समय खेलकुदमा लगाई रहेको हुँदा राज्यले उनिहरुको लागि केहि विशेष ठाउँ दिनु पर्ने बारे विभिन्न निकायहरु सँग कुराकानी गरिहेको बताए । उनले आउने दिनमा यस प्रदेशका उत्कृष्ट खेलाडीहरुको लागि विशेष व्यवस्था गर्ने प्रतिवद्धता जनाए ।
उद्घाटन समारोह कार्यक्रममा जिल्ला समन्वय समितिका अध्यक्ष रामदेव वनरैत यादव, क्षिरेश्वरनाथ नगरपालिकाका उप–प्रमुख रचना माथेमा, नेपाली कांग्रेस नेता मोहन माथेमा, राजपा नेता सुखदेव यादव, राम नरेश महतो लगायतका अतिथीहरुको उपस्थिती रहेको थियो ।
साथै कार्यक्रममा ज्ञान मन्दिर स्कुलका विद्यार्थीहरु द्वारा मार्चपास तथा विभिन्न साँस्कृतिक कार्यक्रमहरु प्रस्तुत गरेका थिए ।
