महोत्तरी- स्वर्गीय रामलखन चौधरी स्मृति कप नवौ प्रदेश स्तरीय खुल्ला नक आउट फुटबल प्रतियोगिता माथि श्री रत्न ज्योति युवा क्लब धनुषाको कब्जा जमाउन सफल भएको छ ।
गौशाला न.पा. वडा न.४ मा मंसिर २७ गतेदेखि सुरु भएको प्रतियोगिताको आज भएको फाइनल खेलमा धनुषाको ढल्केवरको युनाइटेड स्पोर्ट क्लब र धनुषाको रत्नपुरको श्री रत्न ज्योति युवा क्लब बीचको प्रतिष्पर्धामा रत्न ज्योतीले बाजी मार्न सफल भएको हो ।
निकै कडा प्रतिष्पर्धा भएको दुवै टीमको खेल निर्धारित समयमा बराबरीमा टुंगिएपछि पेनान्टी सुट आउटमा ४ को विरुद्ध ५ गोल गरि श्री रत्न ज्योति युवा क्लब धनुषा प्रथम बिजेता हुन सफल भएको हो भने ढल्केवर युनाइटेड स्पोर्टस क्लबले उपबिजेता बनेका छन् ।
बिजेता टीमलाई ६० हजार नगद पुरस्कार सहित प्रमाणपत्र र मेडल प्रदान गरिएको छ भने उपबिजेतालाई नगद ३० हजार सहित प्रमाणपत्र र मेडल प्रदान गरिएको छ ।
आन्तरिक मामिला तथा कानुन मन्त्रि ज्ञानेन्द्र कुमार यादवको प्रमुख आतिथित्यता रहेको प्रतियोगिताको आज भएको समापन समारोहलाई सम्बोधन गर्दै उनले भने, ‘मन्त्रि हुनु भन्दा पहिला म पनि एउटा खेलाडी थिएँ र अनेक थरिका खेल खेल्दै आज मन्त्रि समेत भएको छु खेलाडीले खेलमा नाम र दाम दुवै पाउछ । कोरोनाको कहर चलिरहेको बेला खेलाडीहरुमा खेलको माध्यमबाट युनिटी पावर बढ्ने गर्छ ।
उनले प्रदेश न.२ लाई खेलको सेन्टर पोइन्ट बनाउने तयारिमा रहेको बताउँदै प्रदेश २ मा ५ ठाउमा अन्तराष्ट्रिय रंगशाला बनाइरहेको बताए ।
मन्त्री यादवले गौशाला न.पा. वडा न.४ अन्तर्गत रहेको खेल मैदानको स्तरोन्नतीको लागि प्रदेश सरकारबाट २५ लाख नगद सहयोग गराउने प्रतिबद्धता जनाए । यस कार्यक्रममा गौशाला नगरपालिकाका वडा ४ अध्यक्ष रामबाबु ,समाजवादी खेलकुद महासंघ मुख्य सचिव संजीव चौधरी,क्लबका पद अधिकारी सहित राजनीतिकर्मी, बुद्धिजीवी, लगायत विद्यार्थी पत्रकारहरुको सहभागिता रहेका थियो ।
