महोत्तरी- निषेधाज्ञाको बेलामा रातु खोलामा नदिजन्य पदार्थको अबैध उत्खनन गर्ने १३ वटा सवारी साधानहरु नियन्त्रणमा लिएको छ ।
महोत्तरीको बर्दिवास नगरपालिका, महोत्तरी गाउँपालिका र एकडारा गाउँपालिकाबाट रातु खोलामा अबैध रुपमा माटो तथा नदीजन्य पदार्थ उत्खन्न गरेका गर्दै ट्याक्टरहरु र जेसीभीहरु नियन्त्रणमा लिएको जिल्ला प्रहरी कार्यालय महोत्तरीका डिएसपी प्रकाश विष्टले जानकारी दिए ।
प्रहरीले ९ वटा ट्याक्टर, ३ वटा जेसीभी र एक टिपरलाई नियन्त्रणमा लिएको हो ।
रातु खोलामा अबैध रुपमा उत्खनन गरी रहेको भन्ने सुचना प्राप्त हुन साथ प्रहरी टोलि खटि ट्रिपर, ट्याक्टर र जेसीभीहरु नियन्त्रणमा लिएको डिएसपी विष्टले जानकारी दिए । जिल्ला जारी निषेधाज्ञाको अवज्ञा गर्दै रातु खोलामा अबैध उत्खन्न हुने गरेको छ ।
नियन्त्रणमा लिएको सवारी साधनलाई आवश्यक कारबाहीको लागी स्थानीय निकायमा पठाउने प्रकृया भईरहेको जिल्ला प्रहरी कार्यालय महोत्तरीले जनाएको छ ।
महोत्तरीमा रातिको समयमा अबैध रुपमा खोलामा नदीजन्य पदार्थहरु उत्खन्न् हुने गरेको छ ।
