- फिरोज शेख /लहान
सिरहामा शुक्रबार ३६ जनामा कोरोना संक्रमण पुष्टि भएको छ।
संक्रमित हुनेहरुमा इलाका प्रहरी कार्यालय लहानका इन्स्पेक्टर सहित २२ जना प्रहरी, इलाका प्रहरी कार्यलय लहानको मातहतमा रहेका थुनुवा ९ जना र दिल्ली बाट आएर पशुपति आदर्श मावि लहानको कोरेनटाईनमा बसेका १ जना, सिरहा धनगढीमाई नगरपालिका नैनपुर स्वास्थ चौकीमा कार्यरत २ जना स्वास्थकर्मी ,कन्ट्याक्टट्रेसिंगका एक जना महिला र एक जना पुरुष गरि शुक्रबार ३६ जनामा कोरोना भाइरस कोभिड-१९ संक्रमण पुष्टि भएको छ ।
संक्रमित सम्पुर्णलाई आईसुलेशनमा लाग्ने तयारी भइरहेको जनाइएको छ। शुक्रबार लहानमा थपिएका ३२ जना संगै लहानमा संक्रमितको संख्या ६७ पुगेको छ ,भने सिरहामा कोरोना भाइरस संक्रमितको संख्या ३४८ पुग्नुका साथै २ जनाको कोरोनाका कारण ज्यान गइसकेको छ।
