गौशाला,महोत्तरी। महोत्तरीको गौशाला नगरपालिका मेयर शिवनाथ महतोको प्रतिद्वन्दीको उम्मेदवारकाे रुपमा स्थानीय तहको चुनावमा प्रतिस्पर्धा गरेकी नेतृ रामकुमारी महतोले आफ्नो निजी लगानीमा निर्माण गर्न लागेकी सामुदायिक भवनको छत ढलान गरिएको छ ।
गौशाला नगरपालिका–१२ कान्तिबजार परोरिया गाउँमा करीब १५ लाख लागतमा उनले भवन निर्माण गरि रहेकी छिन् ।
उनले ईटा, सिमेन्ट, रड प्रदान गरेपछि गाउँलेले श्रमदान गरेर भवन निर्माण गरिहेको स्थानीय रासबिहारी महतोले जनाए ।
उक्त सामुदायिक भवनको नाम ‘बासुकीनाथ धर्मशाला’राखिएको छ ।
गाउँमा सार्वजनिक भवन नहुँदा सभा–सम्मेलन गर्न, बराती, पाहुना राख्न समस्या हुँदै आएको थियो ।
जनता समाजवादी पार्टीकी नेतृ महतो चुनावमा पराजीत भएपनि जनताको सेवा लागि रहेकी छिन् ।
