रामगोपालपुर(महोत्तरी)- कोरोनाको महामारी समुदाय स्तरसम्म पुग्दा प्राय प्रदेश २ का जिल्लाहरुमा संक्रमण बढी रहेकाे अवस्थालाई मध्यनजर गर्दै निषेधाज्ञा जारी भएकाे छ र सम्बन्धीत गाउँपालिका / नगरपालिकाहरुले पनि अत्यावश्यक काम बाहेक बाहिर नजान, भीडभाड नगर्न भनेर सूचना जारी गरेकाे छ। तर आम जनतामा यसको कुनै प्रभाव परेको देखिदैन ।
कोरोनाको महामारी समुदाय स्तरसम्म पुग्दा महाेतरीकाे रामगाेपालपुर नगरपालिका नगरप्रमुखले नगरभरी लकडाउन गर्न सुचना जारी गरेको छ ।नगरपालिकामा बसेकाे बैठकबाट पूर्णरुपमा बन्द गर्न सूचना जारी गरे पनि नगरबासीहरुले कोरोनालाई बेवास्ता गरी नाच गान गर्दै हजाराैकाे संख्यामा भिडभाड गरेका छन् ।
यस्तै दृश्य देखियो सोमवार रामगाेपालपुर नगरपालिकामा । दुर्गापूजाको बाँस कटानकाे अवसरमा हजाराैकाे भीडभाड जम्मा गरेर बाजा र डिजेमा नाचगान गरि बजार हुँदै गएकाे देख्दा सचेत स्थानियहरु त्रसित भएका छन् ।
रामगाेपालपुर नगरपालिका वडा नं. ५ दुर्गा मन्दिरमा लागदै आएकाे मेलाकाे आयोजना गर्न उक्त कार्यक्रम गरिएको थियो ।
कोरोनाको संक्रमण समुदाय स्तरसम्म पुगेको भन्दै सरकारले अहिले पूजाआजा निष्ठापूर्वक गरी भीडभाड नगर्न आव्हान गरेको छ । धर्म र आस्थामा कुनै प्रकारको बन्देज नभएपनि नाचगान जस्ता कार्यक्रम, मेला जस्ता कार्यक्रम केही दिन नगर्न आग्रह गरेको छ ।
कोरोना समुदाय स्तरमा पुगेको र भीडभाडले झनै संक्रमण फैलिने खतरा रहेको भन्दै नाचगान नगर्न नगराउन भनेपछि त्यसलाई बेवास्ता गरिएको छ ।
समुदाय स्तरमा काेराेना फैलिन नदिन नगर प्रमुख अशाेक कुमार मण्डल र प्रवक्ता जितेन्द्र चाैधरीले समेत सुचना निकालि लकडाउन गर्न सुचना जारी समेत गरेकाे छ । प्रहरीसंग समेत हेर्दा खासै कुनै चाँसाे नलिएकाे देखिएकाे छ ।
स्थानीयले भने संक्रमण बढ्ने प्रवल सम्भावना रहेकाे समयमा यस्ताे भिडभाड गर्नु ठिक नरहेकाे जनाईएकाे छ ।समुदायमा कोरोना फैलिएपनि यीनीहरु सचेत नभए समाज मै भयावह अवस्था सृजना हुने डर रहेकाे यथार्थ नलुकेको बताए ।
जनता समाजवादी पार्टीको नेता रामबाबु मण्डलकाे नेतृत्वमा सो कार्यक्रमहरु गरिएको बुझिएको छ । एउटा अगुवा/ नेताले यसरी यस्तो बेलामा भीडभाड गराएकाे स्थानीय स्तर टिप्पणी हुन थालेकाे छ ।
यता, वडा अध्यक्ष चाैधरीसंग कुरा गर्दा आफू भिडभाडकाे पक्षमा नरहेकाे र भिडभाड नगर्न भने पनि त्यस्तो भएको पछि जानकारी पाएकाे बताए ।
नगरपालिकाले पूजाआजा मात्र गरी धार्मिक परम्परालाई निरन्तरता दिँदै तत्कालको लागि भीडभाड हुने गरी कार्यक्रमहरु नगर्न आग्रह गरेको छ । अहिले समुदाय स्तरमा कोरोना पुगेकोले संक्रमित सँख्या दिनानु दिन तीव्र रुपमा बढदै गएको छ । यस तर्फ नागरीक आफै सचेत हुनु पर्ने आवश्यक्ता देखिएको छ ।
