नवीन यादव/धर्वेन्द्र कुमार यादव(यदुवंशी),भंगहा,महाेतरी। विपद जाेखिम न्यूनीकरण तथा व्यवस्थापन नगरस्तरिय बैठक सम्पन्न भएको छ ।आईतवार भंगहा नगरपालिकाका नगर प्रमुख संजिव कुमार साहकाे अध्यक्षतामा नगरकार्यपालिकाको कार्यालय भंगहामा ६ बुँदे निर्णय गर्दै बिपद जोखिम न्यूनीकरण तथा व्यवस्थापन नगरस्तरीय बैठक सम्पन्न भएको छ ।

बैठक अहिले बिश्व भरि महामारीको रुपमा फैलिरहेको( COVID 19) काेराेनाकाे प्रभाव भंगहा नगर क्षेत्र भित्र फैलिननदिन स्थानीय बिपद व्यवस्थापन समिति ,तथा दक्ष स्वास्थकर्मी लाई वडा-वडामा खटाई मास्क,सेनिटाईजर,हेन्ड वास जेल लगायतका सुरक्षाको सामग्री हरु सर्वसाधारण लाई उपलब्ध गराई जनचेतनामूलक पर्चा पम्प्लेट समेत उपलब्ध गराई प्रभावकारी भुमिका निर्वाह गर्ने जस्ता निर्णय गरेको छ ।साथै कोरोनाको संक्रमणबाट बच्न र भिडभाडलाई नियन्त्रण गर्न सोमबारदेखि नगरक्षेत्र भित्रका बजारहरू बन्द राखी सहयोग गरिदिन सर्वसाधारणमा अपिल समेत गरेका छन ।

बैठकमा नगर प्रमुख संजिव कुमार साह,उप प्रमुख गंगा देवी सिंह दनुवार,वडा अध्यक्षहरु:-अशाेक कुमार महतो,शिव कुमार महतो,चौठी महतो,अाेहितवा मिया,रामेश्वर प्रसाद सिंह,बासुदेव सिंह,नि.प्रमुख प्रशासकीय अधिकृत संजीव कुमार पौडयाल,स्वास्थ्य शाखा संयाेजक योगेन्द्र चौधरी लगायत सुरक्षा प्रमुखको उपस्थिति रहेको थियोे ।