अभिमनु पटेल
रौतहट २ गते चैत्र
रौतहटको गरुडा नगरपालिका वार्ड नं. ६का वडा अध्यक्ष अशोक यादवमा माथि पुर्व माओवादीको वडाका प्रत्यासी रामबाबु चौधरीको समुहले आक्रमण गरेका छन् ।
वडा अध्यक्ष अशोक यादव पोठीयाहीबाट अमरपटी घर आउने क्रममा शनिवार साँझ करिव ७ बजेको समयमा एक्कासी पुर्व माओवादीका वडाका प्रत्यासी रामबाबु चौधरीको समुहले आक्रमण गरि वडा अध्यक्ष यादवको गाडीको सिसा समेत फुटाएका थिए ।
उक्त घटना पश्चात आज आईतवार वडा अध्यक्ष यादवको समूहले पनि चौधरीको समूह माथि जाइलाग्दा दुई समुह विच झडप भएको हो ।
आज आईतवार विहानसम्म म माथि आक्रमण गर्ने चौधरी समुह माथि प्रहरीले कुनै कार्यावाही नगर्दा पुर्वमाओवादीका वडाका प्रत्यासी चौधरीको मनोवल बढेको कारण हाम्रा कार्यकर्ताहरु दुधिया भार बजार गई रहदाँ फेरी आक्रमण गर्न खोज्दा आत्मराक्षा गर्ने क्रममा दोहरो झडप हुन पुगेको वडा अध्यक्ष यादवले बताउदै, घटाना दुखद भएको बताए ।
पुर्व माओवादीको वडा अध्यक्ष प्रत्यासी चौधरीको समुह राजनैतिक प्रतिशोधमा आफुलाई बदनाम गराउने उद्देश्यले यस्ता अलोक्तान्त्रीक गतिविधि गर्दै आएकोले यस्ता अपराधीक प्रवृतिका व्यक्तिलाई सम्बन्धीत निकायसंग यथाशिघ्र कार्वाही गर्न वडा अध्यक्ष अशोक यादवले मागँ गरेका छन् ।
झडपमा घाईतहरुको अवस्था सामान्य रहेको र यो घटना राजिनैतिक प्रतिशोधमा भएकोले घटनाको दोसीलाई यथासिघ्र कानुनी कार्वाही गर्ने रौतहटका प्रहरी प्रमुख रविराज खडकाले बताए ।
