महेन्द्रनगर/ निजी तथा आवासिय विद्यालय अर्गनाइजेशन नेपाल द्धारा एकदिने जिल्ला स्तरिय एथलेटिक्स प्रतियोगितामा गंगोत्री बोडिङ्ग स्कुल प्रथम स्थान हासिल गर्न सफल भएका छन ।

क्षिरेश्वरनाथ नगरपालिका महेन्द्रनगर स्थित प्याबसन जिल्ला अध्यक्ष गणेश कुमार साहको अध्यक्षता र क्षिरेश्वरनाथ नगरपालिका महेन्द्रनगरका नगर प्रमुख योगेन्द्र पजियारको प्रमुख आतिथीयमा सम्पन्न एकदिने एथलेटिक्स प्रतियोगितामा ४ गोल्ड, २ सिलभर र ६ कास्य ल्याई गंगोत्री बोडिङ्ग स्कुल प्रथम स्थान हासिल गर्न सफल भएका छन ।

त्यस्तै ३ गोल्ड, ६ सिलभर र ३ कास्य ल्याई भिजन इंगलिस बोडिङ्ग स्कुल दोस्रो र ३ गोल्ड, ४ सिलभर ल्याई ज्ञान मन्दिर बोडिङ्ग स्कुल तेस्रो स्थान प्राप्त गर्न सफल भएका छन । प्याबसन धनुषाको आयोजना र क्षिरेश्वरनाथ नगर प्यावसनको संयोजक्तत्वमा आयोजित प्रतियोगितामा जम्मा ११ ओटा स्कुल सहभागी जनाएका थिए । प्रतियोगितामा १५ सय मिटर महिला दौड, लङ्गजम्प, सटफुट, ट्रिपल जम्प लगायतका खेलहरु खेलाइएको थियो ।

कार्यक्रममा प्रमुख अतिथी पजियार विभिन्न स्थान हासिल गरेका खेलाडिहरुलाई बाँधाई र खेलमा सहभागी भएका सम्पुर्ण खेलाडिहरुलाई हौसला बढाउदैँ भोलिाका दिनमा मेहन्तगरी आफनो स्थान सुरक्षित गर्न पाओस शुभकामना दिनु भएको थियो । साथै क्षिरेश्वरनाथ नगरपालिका ले शिक्षालाई व्यवस्थीत गर्नको लागी आउन लागेको कक्षा ८ को परिक्षा सेन्टर बनाई आफै परिक्षा लिई नतिजा पनि आफै प्रकाशन गर्ने सम्पुर्ण विद्यालयलाई जानकारी गराईसकेको बताउनु भयो ।

शिक्षामा अहिले पनि संघिय कानुन नआएको ले केही अनियोल्ता कयामै रहेको छ । त्यस्तै पूर्व घोषित कार्यक्रम अनुसार एस ई ई परिक्षामा नगरपालिका भित्र रहेको समुदायीक र निजी विद्यालयका एक एक जाना छात्र र छात्रालाई दिन भनिएको १०–१० हजार रुपैया एही फाल्गुन 16 र 17 गते हुन गइरहेको राष्ट्रपति रनिङ्ग सिल्ड प्रतियोगिताको दिन दिने जानकारी दिनु भयो ।

कार्यक्रममा विशेषअतिथी जिल्ला खेलकुद विकास समिति अध्यक्ष कमल किशोर चौधरी, अतिथी वडानम्बर ४ का वडाअध्यक्ष जगदिस यादव, ६ का मानवहादुर श्रेष्ठ, ५ का जिवछ मण्डल, इलाका प्रहरी कार्यालय महेन्द्रनगरका प्रहरी निरिक्षक पप्पु नायक लगायत, सहभागी स्कुलहरुको प्रतिनिधि, विद्यार्थीहरुको उपस्थिती रहेको थियो ।

त्यस्तै कार्यक्रमका उदघोष जनक कुमार ढुङ्गेलले गर्नु भएको थियो ।