जनकपुर- टिपरले किचेर हत्या गरिएका नदी जन्य पदार्थको अवैध उत्खनन् विरुद्धका अभियन्ता भनेर चिनिएका दिलिप महतोलाइ वातावरण अभियन्ता तथा पर्यावरण सहिद घोषणा र हत्यारालाई हदैसम्म कार्वाहीको माग गर्दै आज धनुषाको ढल्केवरमा प्रदर्शन गरिएको छ ।
ढल्केवरका स्थानिय समाजसेवी, अधिकारकर्मी, राजनीतिकर्मी र बिद्यार्थीहरुले संयुक्त रुपमा र्याली निकालेर प्रदर्शन गरेका थिए। र्यालीको क्रममा विभिन्न नारा लेखिएका प्ले कार्ड तथा ब्यानर बोकेर सहभागीहरुले ढल्केवरको नगरपक्रिमा गरी दिलिपको हत्यारालाई हदैसम्मको कार्वाही हुनुपर्ने माग गरेका थिए ।
धनुषाको मिथिला नगरपालिका वडा नं. ५ श्रीपुरका २४ बर्षिय ओमप्रकाश भन्ने दिलिप महतोलाई शुक्रबार बिहान क्रुरुरतापूर्वक हत्या गरिएको थियो ।
उनलाई सोही वडामा पर्ने औरही खोलाबाट अवैध गिट्टी बालुवा उत्खनन माफियाहरुले पहिला रडले घोचेर घाइते बनाई खोलामा लडाएर टिपरले किचेर हत्या गरेका थिए ।
दिलिप खोलाबाट भइरहेको अवैध उत्खनन् रोक्न घरदेखि पूर्वमा रहेको औरही खोला पुगेका थिए । उनी विगत २ वर्ष देखि वातावरण संरक्षण अभियान सञ्चालन गरेर नदीहरुबाट हुने अवैध उत्खननलाई निरुत्साहित गर्ने अभियान संचालन गर्दै आएका थिए ।
यता हत्या आरोप तथा अनुसन्धानको क्रममा ४ जनालाई पक्राउ गरी शनिबार राति साढे ८ बजेतिर पत्रकार सम्मेलन गरी सार्वजनिक गरिसकेका छन् ।पक्राउ परेका विपिन कुमार महतो, मुनिन्द्र महतो, जितेन्द्र कुमार महतो र रोशन कुमार यादवलाई आरोपितको रुपमा शनिबार बेलुका धनुषा प्रहरीले पत्रकार सम्मेलन गरि सार्वजनिक गरिसकेको छ।
हत्या गरिएका घटनास्थल नजिकै दिलिपको दाहसंस्कार
टिपरले किचेर हत्या गरिए नदी जन्य पदार्थको अवैध उत्खनन् विरुद्धका अभियन्ताको रुपमा चिनीएका धनुषाको मिथिला नगरपालिका ५ श्रीपुरका २४ वर्षीय युवा ओमप्रकाश महतो ( दिलीप) दाहसंस्कार गरिएको छ।
दिलिपको हत्या गरिएका घटनास्थल नजिकै शनिवार राती उनको दाहसंस्कार गरिएको भाइ जितेन्द्र महतोले जानकारी दिए।
दिलीपलाई उनका ७५ वर्षिय हजुरबुबा रामपृत महतोले दागबती दिएका थिए ।
दिलीपको अन्तेष्टिमा सयौं गाउँलेहरुको सहभागिता रहेको थियो ।
शनिवार अबेर साँझ प्रादेशिक अस्पताल जनकपुरमा शवको पोस्टमार्टम पश्चात परिवारजनले शव बुझेर लगेका थिए र राति नै उनको हत्या भएकै खोलामा लगेर दाहसंस्कार गरिएको छ ।
उत्खनन विरोधको अगुवाइ गरिरहेका दिलिपले शुक्रबार बिहान ४ बजे औरही खोलामा उत्खनन भइरहेको थाहा पाएपछि रोक्न जाँदा उनलाइ रडले प्रहार गरी घाइते बनाई ना ७ ख ६४१३ नम्बरका टिपरले किचेर दिलिपको हत्या गरिएको थियो।
भारतको भोपालमा इन्जिनियरिङ अन्तिम सेमेस्टरमा अध्ययन गरिरहेका दिलीप दुइ साता अघि विदामा घर आएको बेला उनको हत्या भएको हो।
गाउँको होनहार दिलीपको हत्याले अहिले श्रीपुर सिंगै गाउँ नै शोकमा डुबेको छ।
