जनकपुर- नेपाल इन्भेष्टमेन्ट बैंक लिमिटेड(एनआईबीएल)ले आज देखि जनकपुरको नेपाल राष्ट्र बैंकको परिसर भित्र एटीएम सेवाको सुरुवात गरेको छ ।
सो एटीएम सेवाको आज एक समारोह बीच नेपाल राष्ट्र बैंक जनकपुरका निर्देशक हिम प्रसाद नेपाउने र एनबीएल प्रदेश २ प्रमुख सुशील श्रेष्ठले संयुक्त रुपमा गरेका हुन् ।
एटिएमबाट २४ घण्टा सेवा उपलब्ध हुने जानकारी एनआईबीएल जनकपुर शाखाका प्रमुख शेखर बहादुर सिंहले दिए ।
यस एटीएम सेवा सहित जनकपुरमा एनआईबीएलको दुई ठाउँबाट सेवा सुरु भएको हो । यस अघि एटीएम सेवा एनआईबीएलको जनकपुरको मिल्सएरिया स्थित कार्यालय परिसरबाट उपलब्ध हुँदै आएको छ ।