महेन्द्रनगर- धनुषाको क्षीरेश्वरनाथ उद्योग वाणिज्य संघको आयोजनामा पहिलो पल्ट दशैंको अवसरमा सस्तो बजार मेलाकाे आयाेजना गर्ने भएको छ।
क्षीरेश्वरनाथ नगरपालिकाको मुख्य बजार केन्द्र वडा नं ५ स्थित महेन्द्रनगर बजारमा दशैंको अवसरमा सस्तो बजार मेलाकाे आयाेजना गर्ने भएको हाे ।
क्षीरेश्वरनाथ उद्योग वाणिज्य संघका अध्यक्ष सुरेश प्रसाद यादवको अध्यक्षतामा बसेको बैठकबाट प्रदेश नं. २ को अस्थाीय राजधानी जनकपुरको मुख्य प्रवेश व्दारको रुपमा चिनाएको महेन्द्रनगरमा पहिलो पल्ट सस्तोबजार आयाेजना गर्ने ५१ सदस्य मुल समिति गठन गरिएको छ ।
क्षीरेश्वरनाथ उद्योग वाणिज्य संघको आयोजनामा विजयादशमी, दिपावली तथा छठ पर्वको उपलक्ष्यमा संघ द्धारा यस क्षेत्रलाई थप उद्योग, व्यापार तथा पयर्टन प्रर्बद्धनमा थप टेवा पु¥याउन नयाँ सोचका साथ दशैं बजार (सस्तो बजार) लगाउन गइरहेको वाणिज्य संघका अध्यक्ष सुरेश प्रसाद यादवले जनकारि दिए ।
आश्विन १२ घटस्थापना देखि ७ दिन सम्म लाग्ने सस्तो बजारमा आउँदै गरेको महान पर्वहरुको लागि आबश्यक सामाग्रीहरुको कारोबार हुने आयोजकको भनाई छ ।
सस्तो बजारमा विशेषगरी किराना समान, बैग, जुत्ता, कस्मेटिक, लुगा लगायत करिब ५० भन्दा बढी स्टलहरु राखिने आयोजकको भनाई छ ।
७ दिन सम्म चल्ने यो बजारको लागि करिब २० भन्दा बढी स्टल बुक भइसकेको केही दिनभित्र सबै स्टल बुक भइसक्ने उद्योग वाणिज्य संघका महासचिव दिपक साहले बताए ।
साथै ७ दिन सम्म लाग्ने सस्तो बजारलाई विशेष मनोरन्जका लागि खुल्ला रुपमा विभिन्न स्कुलहरुबाट छात्र छात्रा नृत्य प्रतियोगिता गराउने बैठकबाट निर्णय गरिएको छ ।
क्षीरेश्वरनाथ उद्योग वाणिज्य संघको आयोजनामा हुनलागेको सस्तो बजारमा मिथिला नगरपालिका, भंगहा नगरपालिका, लक्ष्मीनिय गाउँपालिका, बटेश्वर गाउँपालिका, धनुषाधाम नगरपालिका, गणेशमान चारनाथ नगरपालिका, जनकपुर उपमहानागरपालिका र आसपासबाट सस्तोबजारमा सामान खरिद गर्न सर्बसाधारण आउने आयोजकले अपेक्षा गरेकोछ ।
