जनकपुर- प्रदेश २ मा श्री कृष्णा जन्माष्टमी अवसरमा भोली शुक्रवार सार्वजनिक विदा घोषणा गरिएको छ।
मुख्यमन्त्री तथा मन्त्री परिषदको कार्यालयले आज एक विज्ञप्ती जारी गर्दै श्री कृष्णा जन्माष्टमी विदा घोषणा गरिएको हो ।
यस अघि मुख्यमन्त्री लालबाबु राउतले प्रदेश सरकारले क्यालेण्डर मै कृष्ण जन्माष्टमीको विदा उल्लेख गरिसकेकाले सो दिन विदा नै हुने बताउनुभएको थियो ।
श्रीकृष्ण प्रणामी युवा परिषद् नेपालले कृष्ण जन्माष्टमीको दिन सार्वजनिक विदाको माग गर्दै मुख्यमन्त्रीलाई बुधबार ज्ञापन पत्र बुझाएपछि मुख्यमन्त्री राउतले यसअघि नै प्रदेश सरकारले क्यालेण्डरमा यो पर्वको विदा उल्लेख गरिसकेको जानकारी दिनुभएको थियो ।
मुख्यमन्त्री लालबाबु राउतले धर्म संस्कृतिको सम्बद्र्धनमा प्रदेश सरकार प्रतिबद्ध रहेको बताउँदै सर्वधर्म समभावको नीति अवलम्बन गर्दै प्रदेश सरकार काम गरिरहेको बताउनुभयो ।
मुख्यमन्त्री राउतको हस्ताक्षरित विज्ञप्तीमा हिन्दु धर्माबलम्बीहरुको महान चाड श्री कृष्ण जन्माष्टमीको सु अवसरमा प्रदेश, देश तथा विदेशमा बस्नुहुने सम्पूर्ण नेपाली दाजु भाई तथा दिदी बहिनीहरुमा सुख, शान्ति एवं समृद्धिको हार्दिक मंगलमय शुभकामना व्यक्त गरिएको उल्लेख छ । मुख्यमन्त्री राउतले सत्य निष्ठाको मार्गमा अडिग भगवान श्री कृष्णल सबैलाई सत्य र निष्ठाको मार्गमा हिड्न प्रेरणा प्रदान गरुन भन्ने कामना सहित धार्मिक आस्थाको यस पर्वलाई हर्षोल्लासका साथ मनाउन सम्पूर्ण प्रदेशवासीमा आग्रह गर्नु भएको छ ।