जनकपुर- जनकपुरमा दुई टाउको भएको असामान्य बच्चाको जन्म भएको छ।
जनकपुरको रामानन्द चौक स्थित मिहिलाल इन्टरनेशनल अस्पतालमा आज दुई टाउको, चार आँखा र चार कान भएको अनौठो बच्चाको जन्म भएको हो।
डाक्टर रुवी सिंहको टोलीले शल्यक्रिया (अप्रेशन) गरि बच्चालाई पेटबाट निकालेको थियो। अस्पताल प्रशासनका अनुसार सिरहाको कर्जनाहा नगरपालिकाको बल्टिया घर भएका शनिकुमार वैधकी २५ वर्षीय श्रीमती सविता बैधले अनौठो बच्चाको जन्म दिएकी हुन्।
जन्मको १ घण्टापछि नवजात शिशुको मृत्यु भएको अस्पताल प्रशासनले जानकारी दिएको छ। आमाको अवस्था भने सामान्य रहेको अस्पताल प्रशासनका रामबाबु यादवले बताए। अस्पतालमा शरिर एउटै तर, टाउको दुई वटा भएको शिशु पहिलो जन्मिए पनि शिशुलाई बचाउन नसकिएको यादवले बताए।
अनौठो बच्चालाई जन्मदिने आमालाई रगतको आवश्यक्ता रहेको र नेपाल रेडक्रसको जनकपुर ब्लड बैंकमा रगत नपाएपछि रगतको खोजी भइरहेको यादवले जानकारी दिए।