महेन्द्रनगर-धनुषाको क्षीरेश्वरनाथ नगरपालिकाको महेन्द्रनगरमा सोमवार देखि एक हप्ते पत्रकारिता तालिम सुरु भएको छ । क्षीरेश्वरनाथ नगरपालिकाको सहयोग र गौना संचार समुहको आयोजनामा सुरु भएको पत्रकारिता तालिमको सोमवार नगर प्रमुख योगेन्द्र पजियारले उद्घाटन गर्दै पत्रकारिता तालिमले यस क्षेत्रमा नयाँ संचारकर्मीहरु थपिने विश्वास व्यक्त गरे । उनले संचार संस्था र संचारकर्मीहरुको लागि नगरपालिकाले यस्ता किसिमको सहयोग गरी क्षमता अभिवृद्धिमा योगदान पुर्याउने प्रतिबद्धता समेत व्यक्त गरे ।
स्थानिय स्तरमा विभिन्न रेडियो पत्र–पत्रिकाहरुलाई मध्यनजर गर्दै जनशक्तिको आवश्यकता बुझि गौना संचार समुहद्वारा सुरु गरिएको आधारभुत ७ दिने पत्रकारिता तालिममा ३० जनाले सहभागिता जनाएका छन् । कार्यक्रममा कार्यपालिका सदस्य विरेन्द्र सिंह, वडा सदस्य अहमद हुसेन लगायतको सहभागिता रहेको थियो । सुरु भएको ७ दिने पत्रकारिता तालिममा दुई दशक बढि देखि क्रियाशिल पत्रकार अजय शाह लगायतले प्रशिक्षण दिने आयोजक अनिल कुशवाहाले जनाए ।
