वर्दिवास- सञ्चार तथा सूचना प्रविधि मन्त्री गोकुल प्रसाद बास्कोटाले संघियताको सफलताको अगुवाई प्रदेश नं. २ ले गर्नुपर्ने बताउनुभएको छ ।
संघियताको आवाज यही प्रदेशबाट उठान भएको भन्नुहुँदै उहाँले यसलाई संस्थागत गर्न प्रमुख दायित्व भएको बताउनुभयो ।
महोत्तरीको बर्दिवासमा रेडियो नेपालको प्रदेश नंं २ को प्रादेशिक प्रसारण सेवा शुभारम्भ तथा भवन शिलान्यास कार्यक्रममा बोल्नुहुँदै उहाँले सरकारले देखिने गरी काम गरिरहेको र त्यसको अनुभुती जनताले छिटै गर्न पाउने बताउनुभयो । कामको रिजल्ट आउन केही समय लाग्ने उहाँेको भनाई थियो ।
प्रदेश नं. २ बाटै बिकासको मोडल सुरु हुने भन्नुहुँदै उहाँले समृद्ध तराई अभियान, शिक्षा, हुलाकी सडकले प्रदेशको बिकास हुने भएकोले सघीय सरकारले ध्यान दिईरहेको बताउनुभयो ।
उहाँले सो अवसरमा सलहेश फुलवारीमा बैशाख १ गते मात्र फुल्ने सलहेश फुल(हारुनको फुल)को हुलाक टिकट प्रकाशन गरिने प्रतिबद्धता समेत जनाउनु भएको हो ।
रेडियो नेपालको प्रदेश नंं २ को प्रादेशिक प्रसारण सेवा आजदेखि औपचारिक रुपमा शुरु भएको छ ।
प्रसारण केन्द्रको संयुक्त रुपमा सञ्चार तथा सूचना प्रविधि मन्त्री गोकुल प्रसाद बास्कोटा र प्रदेश नं. २ का मुख्यमन्त्री लालबावु राउतले स्टुडियो बाटै शुभकनामा व्यक्त गर्दै प्रादेशिक प्रसारण सेवाको शुभारम्भ गर्नुभएको छ ।
मुख्यमन्त्री लालबाबु राउतले रेडियो नेपाललाई अनेकतामा एकताको सुत्राधार बन्न सुझाव दिनु भएको छ ।
कार्यक्रममा मुख्यमन्त्री राउतले मुलुकलाई एउटै भाषा , एउटै भेषको मानसिकता बाट माथि उठाउन प्रादेशिक प्रशारण मार्फत स्थानीय भाषाहरुलाई प्राथमिकतामा राख्नु स्वागत योग्य रहेको बताउनु भयो ।
स्थानीय भाषामा प्रशारण गरिने समाचार, सूचना, मनोरंजन तथा सामग्रीहरुले सम्पूर्ण नेपालीहरुमा रेडियो नेपाल प्रतिको अपनत्व बढने उल्लेख गर्नु हुँदै मुख्यमन्त्री राउतले मैथिली , भोजपुरी , बज्जिका, मगहीका साथै हिन्दी थारु लगायतका भाषाहरुलाई समेत प्राथमिकतामा राख्न आग्रह गर्नु भयो ।
प्रादेशिक प्रशारणको शुभारम्भ पछि केन्द्रिय प्रशारणमा रहेको मैथिली, भोजपुरी लगायतका भाषाको प्रशारणलाई समेत निरन्तरता दिन मुख्यमन्त्री राउतले आग्रह गर्नु भएको हो ।
कार्यक्रममा प्रदेश नं. २का आन्तरिक मामिला तथा कानून मन्त्री ज्ञानेन्द्र कुमार यादवले रेडियो नेपाललाई सही सूचनाको आधार स्तम्भ बननु पर्ने बताउनु भयो । उहाँले प्रदेश नं. २ का सरकार पूर्ण संचारमैत्री रहेको उल्लेख गर्नु हुँदै संचारमा कुनै प्रकारको अवरोध सृजना हुन नदिने प्रतिबद्धता समेत जनाउनु भयो ।
प्रादेशिक प्रसारण सेवाको उद्घाटनसँगै दैनिकरुपमा प्रदेश नंं २ वाट नै मैथिली, भोजपुरी, मगही तथा नेपाली भाषाको समाचार तथा कार्यक्रम उत्पादन तथा प्रसारण गरिने रेडियो नेपालका कार्यकारी निर्देशक सुरेश कुमार कार्कीले बताउनुभयो ।
कार्यकारी निर्देशक कार्कीले निकट भविष्यमा नै यसको क्षमता विस्तार गरेर सात भाषा र १८ घण्टा प्रसारण पु¥याउने लक्ष्य रहेको जानकारी दिनुभयो ।
बर्दिवासमा रेडियो नेपालले हालका लागि १०३ मेगाहर्ज र ११४३ किलोहर्जबाट प्रादेशिक प्रसारण हुनेछ ।
रेडियो नेपालले देशमा आएको परिवर्तन अनुसार आफ्नो सेवालाई विस्तार गरी प्रदेशस्तरमा पु¥याउने कामलाई उच्च प्राथमिकतामा राखेर काम गरिरहेको र सोही अनुसार प्रदेश न.ंं २ को बर्दिवासवाट प्रादेशिक प्रसारण सेवाको शुरु गर्न लागेको निर्देशक कार्कीले बताउनुभयो । प्रादेशिक प्रसारण सेवा दिउँसो ३ ः १५ बजेदेखि वेलुका ६ बजेसम्म सञ्चालन हुने रेडियो नेपाल, प्रदेश नं. २ प्रादेशिक प्रसारण कार्यालयका प्रमुख रामपुकार रामले जानकारी दिनुभयो ।
रेडियो नेपालको प्रादेशिक प्रसारणको नयाँ भवन २ करोड ११ लाख रुपैया लागतमा निर्माण हुने र ९ महिना अवधीमा सम्पन्न हुने कार्यालयले जनाएको छ ।
