महेन्द्रनगर(धनुषा)
एक १४ वर्षीया बालिकालाई बलात्कार गरेको आरोप पक्राउ परेका धनुषाको क्षीरेश्वरनाथ ५ महेन्द्रनगर बस्ने ३३ वर्षीय राजकुमार साहलाई जेल चलान गरिएको छ ।
इलाका प्रहरी कार्यालय महेन्द्रनगरका इन्चार्ज ईन्स्पेक्टर अमिर दाहालले दिएको जानकारी अनुसार आवश्यक अनुसन्धान पश्चात विहिवार आरोपी साहलाई जिल्ला अदालत धनुषामा पेश गरिएको थियो र शुक्रवारको थुनछेक वहस पछि आरोपीलाई पुर्पक्षको लागि कारागार चलान गर्ने आदेश अदालतबाट जारी गरिएको हो ।
आरोपी साहले घरमा कोहि नभएको मौका छोपी बालिकालाई बेहोस पार्ने औषधी प्रयोग गरी वैशाख १५ गते बलात्कार गरेका थिए ।
इलाका प्रहरी कार्यालय महेन्द्रनगरका इन्चार्ज प्रहरी निरिक्षक अमिर दाहालले पीडित पक्षले बैशाख १६ गते दिएको जाहेरीको आधारमा पीडक साहलाई तत्कालै खोजतलास गरी पक्राउ गरेर जबरजस्ती करणीको मुद्दा चलाईएको बताए । उनले कानुनी प्रकृया पुरा गरी अदालतमा पेश गरेपछि आरोपीलाई पुर्पक्षको लागि जेल चलान गरिएको बताए ।
