सिरहाको नवराजपुर गाउँपालिकामा पाँच महिनादेखि निम्त्ति प्रमुख प्रशासकीय अधिकृतको रुपमा जिल्ला आयुर्वेद कार्यालय सिरहामा कार्यरत वरिष्ठ कविराज निरिक्षक नागेन्द्र प्रसाद पटेललाई समान्य प्रशासन मन्त्रालयको च.न.४९०४ रहेको पत्र मिति २०७६ जेष्ठ ७ गते आर्थिक र प्रशासनिक अधिकार नरहने गरि पत्र पठाएको छ । तर निम्त्ति प्रमुख पटेलले मन्त्रालयले पठाएको चिठीलाई बेखवरका रुपमा लिएका छन् ।
मन्त्रालयले निम्त्ति प्रमुख प्रशासकीय अधिकृतको जिम्मेवारी २०७५ पुष ८ गते दिएको थियो । पाँच महिनादेखि नियमित प्रशासनिक र आर्थिक कारोवार गर्दै आएका पटेलले मन्त्रालयले पठाएको प्रमुख प्रशासकीय अधिकृत पटकपटक पठाउँदा पनि गाउँपालिका अध्यक्ष विश्व मोहन यादवको निर्देशनमा कार्यालयमा हाजिर हुनबाट रोक्दै आएका थिए । तर मन्त्रालयले पटेलको आर्थिक र प्रशासनिक अधिकारसंगै निम्त्ति प्रमुख प्रशासकीय अधिकृत बाट स्वत हटने गरि पत्र काटेको समय तीन दिन वितिसक्दा पनि आफु निम्त्ति हाकिम हु भन्दै प्रशासनिक र आर्थिक कामकाज नियमित रुपमा गर्दै आएका छन् ।
मन्त्रालयको पत्रबारे अनभिज्ञता प्रकट गर्दै उनले भने आफनो जिम्मेवारीको काम गर्दै रहन्छु कसैले केही भनेर फरक नपर्ने वताए । पटेलले अपन दैनिकसंगको कुराकानीमा भने अहिले नवराजपुर गाउँपालिकाको हाकिम मै हु आधिकारीक रुपमा आफु कहाँ पत्र आए सोच्ने छु । संघिय सरकारका कर्मचारी स्थानीय तहमा प्रमुख प्रशासकीय अधिकृत हुने व्यवस्था छ । प्रमुख प्रशासकीय अधिकत नहुदा निम्त्तिको जिम्मेवारीमा रहेका कर्मचारीले मन्त्रालयबाट खटाएका प्रमुख प्रशासकीय अधिकृत आए स्वत ः निम्त्तिको जिम्मेवारी हटने हुन्छ तर नवराजपुर गाउँपालिकामा भने उल्टो देखिन्छ ।
प्रमुख प्रशासकीय अधिकृतलाई हाजिर नगराई आर्थिकलाभका कारण निम्त्तिको भरमा गाउँपालिका संचालन गर्दै आएको देखिन्छ । मन्त्रलायले काटेको पत्रको बोद्यार्थ जिल्ला समन्वय समिति सिरहा र कोष तथा लेखा नियन्त्रकको कार्यालयलाई समेत पत्राचार गरेको देखिन्छ । तर मन्त्रालयले काटेको पत्रलाई निम्त्ति प्रमुख प्रशासकीय अधिकृतले टेर पुच्छ्र लगाएको भने देखिदैन ।
