धनुषाको क्षीरेश्वरनाथ नगरपालिका ५ महेन्द्रनगरमा जन्मे हुर्केकी दिप्ती चौधरी यति बेला भन्दै छिन् ‘साँझको बेला रमाईलो मेला घुम्न हिडेको बेला’ ।
२० वर्षीया दिप्ती पेशाले स्टाफ नर्स हुन् । तर, उनी यतिबेला सांगितिक क्षेत्रमा पाइला टेक्ने प्रयास गर्दै छिन् ।
फ्युचर स्टार जावाला खेलबाट एसएलसी र नाईटिंगेल नर्सिङ्ग कलेज कुपनडोल ललितपुरबाट स्टाफ नर्स गरेकी दिप्तीले गायिका तृष्णा गुरुङको ‘साँझको बेला’ कभर गीत गाएर यति बेला चर्चित भएकि छिन् । पिएस कभर स्टुडियो नाम गरेको यूट्यूब च्यानल मार्फत सार्वजनिक गरिएको उक्त भिडियोमा दिप्तीको गायकी निकै मिठो सुनिएको छ ।
केशब विश्वकर्माले छायांकन गरिएको म्युजिक भिडियोमा दिप्तीलाई नै फिचरिङ गरिएको छ । भिडियोलाई मोहन सुनारले सम्पादन गरेका छन् ।
यूट्यूबले हिजोआज नव गायक गायिकालाई धेरै राम्रो प्लेटफर्म दिएको छ । गायनमा इच्छुक युवायुवतीले गीतको कभर बनाएर यूट्यूब मार्फत सार्वजनिक गर्न थालेकोमा दिप्तीको प्रयास नै निकै सराहनिय मानिएको छ।
उक्त गीतको वास्तविक गायिका तृष्णा गुरूङ हुन् भने गीतमा हर्क्यूल्स बस्नेतले संगीत भरेका थिए ।
मिथिलाकी चेली दिप्ती राजधानीको एक अस्पतालमा नर्सिङ पेशामा आबद्ध हुनुको साथै संगतीलाई शौखको रुपमा लिएकी छिन् । उनको युट्युव मार्फत गीत सार्वजनिक भए पश्चात अहिले विभिन्न कार्यक्रको साथै म्युजिक भिडियोहरुमा गीत गाउने प्रस्तावहरु आउन थालेको बताउँछिन् दिप्ती ।
हाल ललितपुर झम्सिखेल बस्ने दिप्ती स्कूल जीवनमा अध्ययन गर्दैगर्दा स्कूल तर्फबाट गीत संगीतको पनि सामान्य तालिम लिएकी उनले चाडैं नै नयाँ गीत ल्याउने तयारी गरेकी छिन् ।-शिस