अनिल कुशवाहा
महेन्द्रनगर १० गते
स्थानिय उद्योग व्यवसायमा देखिएको समसमायीक समस्या तथा समाधान विषयक अन्तरक्रिया कार्यक्रम सम्पन्न भएको छ ।
धनुषाको क्षीरेश्वरनाथ उद्योग वाणिज्य संघ महेन्द्रनगरको आयोजनामा गरिएको अन्तरक्रिया कार्यक्रममा नगरपालिका, प्रशासन, विद्युत, चुरे संरक्षण र उद्योग वाणिज्य संघको प्रतिनिधि विच नगर भित्र देखिएको समसमायीक समस्या तथा समाधानको उपायहरुबारे छलफल गरिएको थियो ।
संघका अध्यक्ष सुरेश प्रसाद यादवको अध्यक्षता र नगरपालिका उपमेयर रचना माथेमाको प्रमुख आतिथ्यता गरिएको अन्तरक्रिया कार्यक्रममा विद्युत चुहावट, सडक व्यवस्थीत, बजार व्यवस्थापन, सुरक्षाको अनुभुती लगायतका विषयहरुमा उपस्थित व्यक्तिहरुबाट सम्बन्धीत निकायहरुको प्रतिनिधिहरुलाई आफनो मनमा लागेको जिज्ञासहरु राखिएको थियो ।
क्षीरेश्वरनाथ उद्योग वाणिज्य संघमा भएको चुनावपछि आफनो पदभार सम्हालेका प्रतिनिधिहरुले पहिलो पटक यस्तो कार्यक्रमको आयोजना गरेको हो ।
यस्तो कार्यक्रमले नगरभित्र रहेको समस्याहरुको सामाधान गर्ने गर्छ तर सघंले आयोजना गरेको यो कार्यक्रममा सम्बन्धित निकायको प्रमुख अनुपस्थीतको कारण धेरै समस्या प्रमुख संग समन्वय गर्ने गरि टारिएको थियो ।
कार्यक्रममा इलाका प्रहरी कर्यालय महेन्द्रनगरका प्रहरी निरिक्षक अमिर कुमार दाहाल, राम अशिष साह, रामेश्वर पंडित, संघका पूर्व अध्यक्ष रामजी सिंह, प्यवशन धनुषा जिल्ला अध्यक्ष गणेश कुमार साह, दशर्निया स्कुलका प्रधानाध्यापक जगदिस प्रसाद सिंह, वडा नम्बर ७ का अध्यक्ष राम किशुन यादव, समाजसेवी ईश्वरी प्रसाद लगायतका व्यक्तिहरुको उपस्थिती रहेको थियो ।
