अनिल कुशवाहा
महेन्द्रनगर, ११ गते पुस
धनुषाको क्षीरेश्वरनाथ नगरपालिकाका जेष्ठ नागरिक (वृद्धवृद्धाहरु) लाई लौरो (लठ्ठी) वितरण गरिएको छ । स्थानीय सरकार अन्तर्गत नगरपालिकाको बोर्डबाट निर्णय गरि प्रत्येक वडामा २० २० जना जेष्ठ नगारिकलाई सम्मान सहित हिडने तथा सहाराको लागि लठ्ठी सहित गमछा पनि वितरण गरिएको छ ।
जेष्ठ नागरिक मँचका नगर सँयोजक मित्रलाल गिरीको अध्यक्ष्ँतामा सम्पन्न भएको एक समारोहबीच प्रत्येक वडाबाट विपन्न जेष्ठ नागरिकलाई बोलाएर लठ्ठी सहित सम्मान गरिएको हो । सो कार्यक्रममा बोल्दै अध्यक्ष गिरीले भने वास्तवमा हामी रमाइलो कार्यक्रम शुरु गरेका छौ । एउटा साथी स्वरुप लठी दिए प्रती जेष्ठ नागरिक तर्फबाट अभार व्यक्त गर्न चाहन्छु । म नगरपालिकाका प्रमुख एवम वडाध्यक्षहरुलाई सम्मान गर्दै धन्यवाद ज्ञापन गर्न चाहन्छु ।
नगर प्रमुख योगेन्द्र पन्जियारको प्रमुख आतिथ्यमा भएको सो कार्यक्रममा उनले भने, वास्तवमा हामीले यो ८० बर्ष भन्दा माथी र लठी को आवश्यकता अनुसार प्रत्येक वडामा २० जना लाई लक्षित गरि वितरण गर्ने यो योजना रहेको छ । हामी यस्तो कार्यक्रम समय समयमा गर्दै रहने बिश्वास छ ।
कार्यक्रममा उपमेयर रचना माथेमा, वडा नं. २ का अध्यक्ष श्याम यादव, ४ का जगदिश यादव, ५ का जिबछ मण्डल, प्रशासकीय अधिकृत इन्द्र देव यादव, व्यापार संघका अध्यक्ष सुरेश यादव , पूर्वअध्यक्ष रामजी सिंह, समाजसेवि इश्वरी प्रसाद पोख्रेल , क्षिरेश्वर जनता उच्च मा बि प्रधानध्यापक कमल पण्डित तथा ४ का वडा सचिव शशी गुप्ता लगायत जेष्ठ नागरिक हरुको उपस्थिति रहेको थियो ।
सो कार्यक्रममा नगरपालिकाको वडा नं. ३, ४, ५, ६ र ७ को जेष्ठ नागरिकलाई मात्र वितरण गरिएको छ भने बाँकीका वडाहरुमा अर्को दिन वितरण गर्ने जनाइएको छ ।
