निरंजन साह, जनकपुरधाम
प्रदेश नम्बर दुईको राजधानी जनकपुरमा ‘हो हामी चम्किन्छौं, थप जिम्मेवारीका साथ’ भन्ने मूल नाराका साथ नेपाल जेसिजको ४५ औ राष्ट्रिय महाधिवेशन जनकपुरधाममा शुरु भएको छ ।
शनिबार देखि नेपाल जेसिजको राष्ट्रिय महाअधिवेशन जनकपुरधामको तिरहुतिया गाछीमा शुरु भएका छन ।महाधिवेशनको उद्घाटन गणतन्त्र नेपालका प्रथम राष्ट्रपति डाक्टर रामवरण यादवले गर्नु भएका हुन् ।
महाधिवेशनको उदघाटन गर्दै प्रमुख आतिथ्य गणतन्त्र नेपालका प्रथम राष्ट्रपति डा. रामवरण यादवले देश बनाउन सबै नेपाली एकजुट भएर अघि बढनुपर्ने आवश्यक्ता रहेको र साथै देश संघियतामा गइसकेको बेला विकास लगायत अन्य कार्यहरु अझै मजगूतिका साथ कार्य अघि बढाउनुपर्ने आवश्यक्ता रहेको तर्क राखे ।
संगै जेसिजले नेतृत्व कसरी गरिन्छ त्यो सिकाउने गरेकाले समाजका अन्य वर्गका व्यक्तिहरु पनि यसवाट शिक्षा लिनुपर्ने आजको आवश्यक्ता रहेको पूर्व राष्ट्रपति डा। यादवले भने, यसप्रकारको अधिवेशनले जनकपुरको पर्यटनलाई बढाउन मदत पुग्ने समेत उहाँले चर्चा गर्नुभएका हुन् ।
समारोहमा प्रदेश नम्बर दुई का मुख्यमन्त्री मोहम्मद लालबाबु राउतले प्रदेश नम्बर दुईको विकास पर्यटकले मात्रै हुने भएकाले यसमा जोड दिने गरेको तर्क राखेका छन ।
देशभरबाट करिब १८ सय जेसीजमनहरुको महाधिवेशनमा सहभागिता रहेका हुन् ।
जनकपुर जेसीजको आतिथ्यतामा भइरहेको महाधिवेशन मंगलवारसम्म सञ्चालन रहने छ । महाधिेवेशनको अवसरमा पारेर नेपाल जेसीजले विभिन्न विधामा उत्कृष्ट जनालाई सम्मान गरेको छ । यसरी सम्मानित हुनेहरुमा झापाका उद्यमी दिपेश ढकाल, काठमाडौँकी स्नेह भण्डारी, प्रदिप बजगाई, भुवन गन्दर्भ, सानुबा सुनुवार र धनुषाको जंगिलाल महतो रहेका छन् । उनीहरुलाई कार्यक्रममा प्रमुख अतिथि प्रथम राष्ट्रपति यादव र नेपाल जेसीजका राष्ट्रिय अध्यक्ष सिनेटर श्रीधर बस्यालले नगद, ताम्रापत्रसहित सम्मान गर्नु भएका छन ।
यसैगरी, नेपाल जेसीजलले १२ जना लाई जेसीज सिनेटरसिप प्रदान गरेका हुन् । यसरी सिनेटरसिप प्राप्त गर्नेहरुमा लहान जेसीजका राजाबाबु शाह, नुवाकोटका रविन पोखरेल उर्लावारी जेसीजबाट केदार भण्डारी, सिदार्थ जेसीजबाट कमल भण्डारी, भकुण्डेबेसीबाट रुकमणि भण्डारी, गोदावरी जेसीजका आशिष शर्मालगायतले रहेका छन् । उक्त सिनेटरसिपको घोषणा नेपाल जेसीजवका निवर्तमान अध्यक्ष प्रकाशप्रसाद अधिकारीले गर्नु भएको थिए ।
सोही समारोहमा नेपाल जेसीजको स्मारिका समेत विमोचन गरिएको थियो । कार्यक्रममा नेपाल जेसीजका संस्थापक अध्यक्ष भेषबहादुर थापा, राष्ट्रिय अध्यक्ष श्रीधर बस्याल, प्रदेश नम्बर दुईका मुख्यमन्त्री लालबाबु राउत, जनकपुरधाम उपमहानगरपालिकाका मेयर लालकिशोर साह, महाधिवेशन निर्देशक सन्तोष कुमार साह, जनकपुर जेसिजका अध्यक्ष जितेन्द्र कुमार महासेठलगायतले नेपाल जेसीजको महाधिवेशनको् सफलताको शुभकामना व्यक्त गर्नु भएका हुन् ।
नेपाल जेसीजका महासचिव श्रीराम पौडेलले यो वर्षको महासचिवको प्रतिवेदन प्रस्तुत गर्नु भएको थियो । शाखा अध्यक्ष जितेन्द्र महासेठलले सहभागिलाई स्वागत तथा निरुपित राष्ट्रिय कार्यकारीणी उपाध्यक्ष सिनेटर विकास मानन्धरले धन्यवाद ज्ञापन गर्नु भएको थियो ।
४ दिनसम्म सञ्चालन हुने महाधिवेशनले वर्ष २०१९ का लागि नया नेतृँव समेत चयन गर्नेछ ।
उक्त महाधिवेशनमा ७७ जिल्लाका जेसिजहरु सहभागि रहेका छन र पुष १० सम्म हुने भएको छ।कार्यक्रममा सांस्कृति कार्यक्रम पनि प्रदर्शन गरिएको थियो।
महाधिवेशनको तयारी राम्रोसँग गरेको र हलको अगाडि जानकी मन्दिर नै निर्माण गरेको आकर्षक देखिन्छ ।र महाधिवेशन मा करिब दुई करोड भन्दा बढी खर्च भएका छन ।
