जनकपुर– प्रदेश नं २ स्तरीय दोस्राो मेयर कप ब्याटमिन्टन प्रतियोगिता शुक्रबारबाट महोत्तरीको बर्दिवासमा सुरु भएको छ।
बर्दिवास नगरपालिकाका मेयर विदुर कुमार कार्कीले प्रतियोगिताको उद्घाटन गरेका हुन्।
मेयरकप ब्याटमिन्टन प्रतियोगिता २०७५ मा प्रदेश नं २ का ८ जिल्ला र छिमेकी सिन्धुली जिल्लाका (४५ वर्ष माथिका खेलाडी ) भेट्रान समुह १६, खुल्ला प्रतियोगितामा ४० र बाल समुह १ गरी जम्मा ६२ वटा समूहका १ सय १२ जना खेलाडी सहभागी छन्।
प्रतियोगिता आइतबार सम्पन्न हुने आयोजक बर्दिवास ब्याटमिन्टन संघका अध्यक्ष कृष्ण गौतमले जानकारी दिए।
प्रतियोगितामा भेट्रान र खुल्ला समुहबाट प्रथम हुने समूहले रु ३१ हजार, दोश्रो र तेस्रो हुने समुहले २१ हजार नगर पुरस्कार पाउने बर्दिवास ब्याडमिन्टन संघले जनाएको छ।
