राजेज सिंह
महाेत्तरी, मंसिर ३ गते ।
महोत्तरीको सोनमामा १० लाख बराबरको लुटपाट भएको छ । आईतबार मध्यरात करिब एक दर्जनको समुहमा आएका अज्ञात समुहले सोनमा गाँउपालिका ३ खखनाका शिवचन्द्र राय यादवको घरमा लुटपाट गरेका छन् ।
उक्त समुहले बाँसको फाटाले घरमा रहेको सदस्यमाथि प्रहार गर्दै रायको घरमा रहेको करिब ४ लाख नगद, ५ पिस नयाँ साडी, ४ वटा मोवाईल, ५ तोला सुन र चाँदीको बाला लगायतका सरसमान करिब १० लाख बराबरको लुटेको महोत्तरीका प्रहरी उपरिक्षक ईश्वर कार्कीले जानकारी दिनुभयो । बाँसको फाटाले प्रहार गर्दा स्थानिय ललिन राय, संजय यादव र सुरेन्द्र यादव गम्भीर घाईते भएका छन । घाइतेहरुलाई उपचारकाे लागि जनकपुर लगेपनि त्यहाँ उपचार सम्भव नभएपछि थप उपचारका लागि बिराटनगर लगिएको उक्त गाउँपालिका वाड १ का अध्यक्ष: अशोक यादवले जनाएका छन ।
घटनाको सम्बन्धमा स्थानियले समयमै खबर नगरेपछि ढिलो गरि प्रहरी घटनास्थलमा पुगेकोले घटनामा संलग्नहरु फरार भएकोले खोजी कार्य जारी रहेको जिल्ला प्रहरी कार्यालय महोत्तरीले जनाएको छ ।
