शिरीष सम्बाददाता
जनकपुर ११ गते कार्तिक
दुई नम्बर प्रदेशको अस्थायी राजधानी जनकपुरधाम हाे। तर, त्यहाँकाे स्थायी राजधानी कहाँ बनाउने भन्ने विषयमा विवाद कायमै छ ।
सत्तारुढ दल संघीय समाजवादी फोरम र राष्ट्रिय जनता पार्टी नेपालबीच स्थायी राजधानीको विषयमा फरक-फरक मत रहँदै अाएकाे छ । कतिपय नेताहरु जनकपुरलाई नै स्थायी राजधानी बनाउनु पर्ने पक्षमा छन् भने कतिपय वीरगञ्ज हुनु पर्ने लबिङ गरिरहेका छन्।
संघीय अवधारणामा प्रदेशकाे स्थायी राजधानी ताेक्नु पर्ने संबैधानिक प्रावधान अनुरूप प्रदेश नम्बर २ सरकारले स्थायी राजधानी सिफारिस गर्न अाज तीन सदस्यीय संवाद तथा सुझाव समिति गठन गरेको छ।
आइतबार(अाज) बसेको प्रदेश २ सरकार बैठकले स्थायी राजधानी सिफारिस गर्न डा. हरिवंश झाको संयोजकत्वमा तीन सदस्यीय समिति गठन गरेको हो। समिति सदस्यमा मोहनलाल चौधरी र रामप्रवेश बैठा चयन भएका छन् ।
गठित समितिलाई ४५ दिनभित्र प्रतिवेदन बुझाउन समय दिइएको संयाेजक डा. झाले जानकारी दिए । राजनीतिक दल सरोकारवालासँग छलफल गरेर स्थायी राजधानी सिफारिस गर्न उक्त समिति गठन गरेकाे हाे ।
