शिरीष सम्बाददाता
बर्दिबास, कार्तिक ११ गते ।
महोत्तरीको बर्दिबास नगरपालिका स्थित बिजलपुरामा नगर स्तरीय बिजलपुरा कप २०७५ सुरु भएको छ । बिजलपुरा स्पोर्टस क्लवको आयोजनामा क्रिकेट प्रतियोगिता संचालन भएको हो ।
गाउँमा लुकेको प्रतिभालाई उजागर गर्ने उद्देश्यले आयोजना गरिएको छ ।क्रिकेट प्रतियोगिताको पहिलो दिनको उद्घाटन खेलमा आयोजक पराजित भएका छन् ।
टस जितेर लक्कि क्रिकेट टिम बिजलपुराले बलिङ्ग गर्दै आयोजक बिजलुरा स्पोर्टस क्वल (B) लाई १९ ओभरमा ९१ रन दिएर टार्गेट दिदैंं समेटि दिएका थिए ।लक्की क्रिकेट टिमले १० ओभरमै टार्गेट हासिल गर्दै विजयी भएका थिए ।

खेलको म्यान अफ दि म्याच लक्की टिमका अशोक महतो घोषित भए । उनले दुई विकेट झार्दै विपक्षी टिमका पप्पु चौधरी र विक्की मगरलाई खेलबाट आउट गरेका थिए ।
कात्र्तिक १२ गतेको दोस्रो दिनको पहिलो खेल देउराली क्रिकेट टिम बर्दिबास र त्रिनेत्र स्पोर्टस टिम पथलैया बीच हुने छ ।
खेलको उद्घाटन बर्दिबास नगरपालिका मेयर विदुरकुमार कार्की, प्रदेश साँसद सारदा थापा, खेलका मुख्य प्रायोजक गौतम होटलका प्रबन्धक हिरा गौतम र इलाका प्रहरी कार्यालय बर्दिबासका डिएसपी नकुल पोखरेलले गरेका थिए । उद्घाटनको क्रममा प्रदेश साँसद थापा इशारामा प्रबन्धक गौतमले गरेको बलिङ्गमा मेयर कार्कीले ब्याट प्रहार गरेका थिए । डिएसपी पोखरेल भने किपर भएर खेलाडीको भुमिकामा देखिएका थिए ।
गौतम होटलको मुख्य प्रायोजनमा बिजलपुरामा बर्दिबास नगरपालिका स्तारीय क्रिकेट टुर्नामेटको आयोजना भएको हो ।
महिलाहरुले आफनै कारणले खेलकुदको क्षेत्रबाट पछाडि पर्दै आएको प्रदेशसभा साँसद शारदा देवी थापाले बताइन् ।साँसद थापाले तराई मधेशका महिलाहरु खेलकुदप्रति चासो नदेखाएकोले खेलकुदमा पछाडि पर्दै आएको धारणा राखिन् । बर्दिबास नगरपालिकाका नगरप्रमुख विदुरकुमार कार्कीले खेलकुद क्षेत्रलाई व्यवस्थित गर्नका लागि वार्षिक क्यालेन्डर बनाई खेलकुद क्षेत्रको विकास गर्ने धारणा राखे । मानवजीवनमा खेलकुदको माध्यमले चौतर्फि विकास हुने भएकोले स्वस्थ्य प्रतिस्पर्धा गरि खेलकुदको क्षेत्रमा विकास गरिनु अत्यन्त आवश्यक रहेको नगरप्रमुख कार्कीले तर्क गरे ।
वाईसिएल नेपाल प्रदेश नं. २ का संयोजक शंकर महतोले खेलकुदको माध्यमले स्वच्छ समाज निर्माण गर्ने भएकोले मानवजीवनको लागि खेलकुद अति आवश्यक रहेको बताए । सहयोगात्मक भावनालाई मनन गर्दै विकृती र विसंगति र कुलतबाट बच्नको लागि खेलकुदको विकास गरिनु अति नै आवश्यक उनले औंल्याए

खेलकुदको मुख्य प्रायोजक रहेको गौतम होटलका प्रबन्धक हिरा गौतमले खेलकुद आफैमा महत्व राख्ने विषय भएकोले आफुले खेलकुद क्षेत्रमा युवाहरुको लागि एक लाख बराबरको रकम प्रतियोगितामा खर्चिको जनाए ।