निकेश खनाल
बर्दिबास असोज ११
महोत्तरी प्रहरीले महोत्तरीको छुट्टाछुट्टै दुई स्थानबाट मदिरा चोरी गर्ने दुई चोरलाई पक्राउ गरेको छ ।
पक्राउ पर्नेमा भंगाहा नगरपालिका वार्ड नं —१ सिङ्गयाही बस्ने बर्ष २० का रामजी मण्डल र सोही ठेगाना र उमेरका राजकुमार मण्डल रहेका छन् । उनीहरुले मंगलबार राती बलवा नगरपालिका —११भगवतपुर बजारमा गोपाल मिश्रले सञ्चालन गरेको मदिरा पसलबाट पसल बन्द रहेको अवस्थामा पछाडिको बेरा भत्काएर विभिन्न ब्राण्डका रक्सी र नगद ५हजार गरी जम्मा ४९हजार ५सय मूल्य बराबर सामान र नगद चोरी गरेको महोत्तरी प्रहरीका प्रहरी नायव उपरीक्षक खगेन्द्र खड्काले बताए ।
चोरीमा संल्घन दुवै जनालाई महोत्तरी प्रहरीले बुधबार बिशेष सुराकीको आधारमा उनीहरुको साथबाट स्ट्रोगं बियर ५ बोतल, टुबोर्ग बियर ५ बोतल, रुशलान भोड्का ७सय५० एमएल को १ बोतल, डाइलेक्स डीसी लेखेको सय एम.एल को २ बोतल, लागु औषध नाइट्रोभेट ट्याबलेट २५ पिस सहित बरामद गरी बिहिबार जिल्ला अदालत महोत्तरीबाट अनुसंधानको लागि हिरासतमा राखी ७ दिनको म्याद थप गरी अनुसंधान भैरहेको बताइएको छ ।