सुभद्रा भुजेल
बर्दिबास असोज ९
नेपाली सेनाका उपरथी तथा प्रदेश नं २ का पृतनापति ईश्वर हमाल र उनकी धर्मपत्नी रोशनी हमालले छोराको सम्झनामा सोमबार छात्रवृत्ति प्रदान गरेका छन् । हमाल दम्पतीले बर्दिबास नगरपालिका १ मा रहेको श्री देउराली माध्यमिक विद्यालयको प्राङ्गगनमा एक समारोहका विच कक्षा १ देखि १० सम्मका प्रथम,द्धितिय र तृतिय हुने ३३ जना छात्रछात्राहरुलाई आर्कषक पुरस्कार तथा ११ र १२ मा अध्यान्नरत जेहेन्दार १÷ १ जना छात्रछात्रालाई समेत पुरस्कार प्रदान गरिएको विद्यालयका प्रध्यानाध्यापक केदार बहादुर कोइरालाले बताए ।

हमाल दम्पतीले आफू जन्मेको गाउँ बर्दिबास —२ को समुदायिक मा वि , श्री जनता मावि, तथा श्री देउराली मा वि जेहेन्दार गरीब,दलित,विपन्न, समुदाय मध्येबाट १ ÷१ जना छात्रछात्रालाई छोराको उमेर बराबरको रकम प्रत्येक वर्ष प्रदान गर्दै आइरहेका छन् ।
यस वर्ष पनि देउराली मा वि का छात्रा सर्मिला हेन्जन र छात्र विकास थापा मगरलाई जनही २४ हजार नगद तथा प्रमाण पत्र प्रदान गर्नुका साथै अन्य बालबालिकालाई खेलकुद सामाग्री वितरण गरीएको देउराली मा वि का शिक्षक पवन वाग्लेले बताए ।
आफ्नो एक मात्र छोरा आशाविन्त विक्रम हमालको २०६८ जेठ महिनामा बाग्मती नदिमा पौडी खेल्ने क्रममा डुबेर मृत्यू भएको थियो । त्यसै समयदेखि हमाल दम्पतिले छोराको सम्झनामा छात्रवृति अक्षयकोषको स्थापना गरी बर्दिबासको सामुदायिक विद्यालयका छात्राछात्राहरुलाई पुरस्कार,छात्रावृति,शैक्षिक सामाग्री प्रत्येक वर्ष वितरण गर्दै आइरहेको र आगामी दिनहरुमा समेत वितरण गर्ने उपरथी हमालले बताए ।
कार्यक्रममा प्र अ कोइरालाले दिगवंत विक्रमको सम्झना गर्दै उनीप्रती भावपूर्ण श्रदाञ्जली व्यक्त गरेका थिए । साथै छोराको शोकमा रहेको हमाल दम्पतिप्रति सहानुभुती गरेका थिए । कोइरालाले हमालको सामाजिक उपकारको भावना अत्यन्तै सहनीय रहेको र भविष्यमा समेत निरन्तर रहीरहने विश्वास व्यक्त गरे ।
कार्यक्रममा वडा नं —१ का वडा अध्यक्ष चुडामणी पोखरेल ऋषी,हमाल परिवार, विद्यालयका शिक्षक र विद्यार्थीको उपस्थिति रहेको थियो ।