निकेश खनाल
बर्दिबास असोज ५
बालबालिकाले भयत्रासमुक्त वातावरणमा सुरक्षित र सहज जीवनयापन गर्न पाउनु उनीहरुको मौलिक अधिकार रहेकोले बालबालिकाले जीवन यापनका क्रममा पोषणयुक्त खाना गुणस्तरीय शिक्षा र सुरक्षित वातावरणकालागी सेभ द चिल्ड्रेनको पहुंच परियोजना अन्र्तगत महोत्तरीको र्बिर्दबासमा शुक्रबार सकारात्मक अभिभावकत्व प्रशिक्षण कक्षाका अभिभावकहरुको दिक्षान्त समारोह सम्पन्न भएको छ ।
बर्दिबास नगरपालिका र सामुदायिक परिवार कल्याण संघ ( सि एफ डब्लु ए ) महोत्तरीको आयोजना तथा सेभ द चिल्ड्रेन क्षेत्रीय कार्यलय बर्दिबासको सहयोगमा भएको कार्यक्रममा ५४ महिला र १ पुरुष सहित ५५ जना दिक्षित भएका थिए ।
कार्यक्रममा नेपाल सरकारबाट सामाजिक सुरक्षा भक्ता पाइरहेका दलित बालबालिकाका अभिभावकहरु दिक्षित भएका थिए । बालबालिकामा राज्यले गरेको लगानी बालबालिकामै होस र आगामी दिनहरुमा अझै बढोस भन्ने उद्देश्यका साथ दिक्षान्त कार्यक्रम गरेको बताउछिन् सेभ द चिल्ड्रेन पहुंच परियोजनाकी संयोजक अनिता तामाङ्ग । उनले समयको विकास संगसंगै पछिल्लो चरणमा बालबालिका र अभिभावकको सम्बन्ध सोचे जति मजबुत नदेएिकाले उनिहरुको सम्बन्ध अझै राम्रंो बनाउन पनि सकारात्मक अभिभावक कक्षा सञ्चालन गरेको गरेको बताइन ।
अभिभावकहरुले १४ वटा कक्षामा नियमित रुपमा भाग लिएका थिए । जसमा स्थानीय सरकारको बजेटमा दलित बालबालिकाको पहुंच,पारीवारिक बजेट कसरी बनाउने त्यसलाई सञ्चालन कसरी गर्ने?बालबालिकालाई कुपोषणबाट कसरी जोगाउने? गुस्तरीय शिक्षामा उनीहरुको पहुंच कसरी बढाउने? बालश्रम मुक्त वातावरण कसरी बनाउने? लगायतका विषयमा कक्षा सञ्चालन गरीएको थियो ।
नगरपालिका र वडा कार्यलयले ल्याउने नीति तथा कार्यक्रममा बालबालिकाको संरक्षणकालागी कार्यक्रमहरु समावेश गर्दै गएमा यसले समाजमा सकारात्मक सन्देश जाने बताउछन् सेभ द चिल्ड्रेनका डिपोटि फिल्ड म्यानेजर प्रकाश आचार्य , बालसंरक्षणको मुद्दालाई कागज वा भाषणमा मात्रै सिमित नराखेर व्यवहारमा लागु गर्न सके यो मुद्दा निष्कर्शमा पुग्ने उनको भनाई छ ।
कार्यक्रममा बर्दिबास नगरपालिकाका मेयर विदुर कुमार कार्कीले बालबालिकाको संरक्षणका लागि बाल संरक्षण प्रणालीको विकास गर्दै, नगरस्तरमा गरिने बजेट विनियोजनमा अनिवार्य बालअधिकार र बालबालिकाको संरक्षणका कार्यक्रमहरुलाई अगाडि बढाइने बताए ।
शिक्षा र स्वास्थ्य बालबालिकाको नैसर्गिक अधिकार भएको हुंदा बालबालिका र विद्यालय शान्ति क्षेत्र अभियानलाई नगरपालिकाले कार्यान्वयको लागि सहज वातावरण बनाइने मेयर कार्कीको भनाई छ ।
