शिरीष सम्बाददाता
धनुषा २ गते असाेज
नेपाली काँग्रेसका उपसभापति बिमलेन्द्र निधिले आफ्नो अधिकार सुनिस्चितताको लागि दलित समुदायहरुलाई संगठित हुन आह्वान गरेका छन् । उनले दलित समुदायको उत्थानका लागि तीनवटै तहको सरकारले दलितहरुकालागि शिक्षामा विशेष जोड दिनुपर्ने बताए ।
नेपाल दलित संघ प्रदेश नं.२ को आयोजनामा मंगलवारदेखि जनकपुरधाममा शुरु भएको दुई दिने प्रशिक्षण कार्यक्रमको उद्घाटन गर्दै उपसभापति निधिले दलित परिवारका धेरै जसो बालबालिका शिक्षाको पहुँच बाट बाहिर रहेको प्रति दुःख व्यक्त गर्दै शिक्षामा पहुँच बढाउनु पर्नेमा जोड दिए ।
२१ औँ शताब्दीमा छुवाछुत राजनीतिक तथा समाजिक अपराध रहेको बताँउदै त्यस्ता बिकृतिहरु अनत्य गर्न सबैको सहयोग आवश्यक रहेको बताए । नेपाली काँग्रेस छुवाछुत मुक्त समाजको पक्षमा विगतदेखि नै अवाज उठाँउदै आएको दावी गर्दै काँग्रेसले कहिल्यै जातपातको राजनीती नगरेको न त गर्ने उनको तर्क छ ।
राजनीतिक प्रसंगमा बोल्दै उपसभापति निधिले वर्तमान संघिय सरकारले दुइ तिहाइको दम्भमा चालेका कदमहरु अलोकतान्त्रीक रहेको बताउंदै सर्वसतावादी र अधिनायकवादी हुँंदै गएको बताए । उनले संघिय सरकारले संघियताको रक्षा गर्नुको साटो प्रदेश लाई अधिकार सम्पन्न नबनाएर संघियतालाई खोक्लो पार्ने षडयन्त्र रचेको बताए ।
नेपाली काँग्रेसको ९ वटा मुलमन्त्र राष्ट्रियता ,लोकतन्त्र ,समाजवाद, गणतन्त्र, समावेशिता, मिश्रीत निर्वाचन प्रणाली ,संघियता, धर्म्निरपेक्षता र शान्ति सुरक्षालाइ केन्द्रमा राखेर व्यवहारमा उतार्नु पर्ने आजको आवश्यकता रहेको उनले उल्लेख गरे ।
यस्तै, नेपाली काँग्रेसका केन्द्रिय सदस्य एवम पुर्व कृषि मन्त्री रामकृष्ण यादवले वर्तमान सरकारले अलोकतान्त्रिक कामहरु गरेर लोकतन्त्र माथि खतरा ल्याउन खोजेको बताए । उनले मधेसवादी दलका कारण प्रदेश नं. २ मा संघीयता खतरामा रहेको बताए । कार्यक्रममा नेपाल दलित संघका राष्ट्रिय अध्यक्ष मिन बहादुर विश्वकर्मा , काँग्रेसका केन्द्रिय सदस्य महेन्द्र यादव , जीवन परियार , राष्ट्रिय सभा सांसद मुतmा यादव , नेपाली काँग्रेस प्रदेश नम्वर २ का संसदीय दलका नेता रामसरोज यादव ,नेपाली काँग्रेस धनुषाका अध्यक्ष महेश शंकर गिरी , सहितका नेताहरुले धारणा राखेका थिए ।
