धनुषा २९ गते , भदौ
सवैला नपा–१२ का ठकाइ चमारका चार वर्षीय नाती डेविस कुमार महराले जन्मदर्ता अधिकारबाट बन्चित भएका छन् ।
बुवा विदेश भएको कारण बालकलाई तत्तकाल जन्मदर्ता नदिने सवैला नपा–१२ का वडा अध्यक्ष प्रदिप महतोले इन्सेक प्रतिनिधिलाई बताए । आज बालकको हजुर बुवा ठकाइ चमार वडा कार्यालय पुगी नातीको जन्म दर्ता वनाउन वडा अध्यक्षलाई अनुरोध गर्दा विवाह दर्ता र वुहारीको नागरिकता पेश गरेपछि मात्र बालकको जन्मदर्ता बनाउन वडा सचिवलाई आदेश दिने बताएपछि ठकाइ घर फर्केका थिए ।
बच्चा जन्मेको केहि दिनपछि जन्मदर्ता बनाउन गएका बालकको काका उमेश महरालाई घरमा सौचालय बनाएपछि जन्मदर्ता बनाइ दिने भनि तत्तकालिन गाविस रघुनाथपुको प्राविधिक भिषण राउतले फर्काएका थिए ।
हाल घरमा सौचालयको भएको कार्ड, बालकको बुवाको नागरिकता, आमाको जम्न प्रमाणित भएका गापाको सिफारिस र सूचकको लागि बालकको हजुर वुवाको नागरिकताको प्रतिलिपि सहितका प्रमाणहरु समेत पेश गरेपनि वडा अध्यक्ष प्रदिप महतो र वडा सचिव भिषण राउतले जन्मदर्ता नबनाइ दिएको पिडित पक्षले बताए । आफू दलित समुदायको भएकोले दलित समुदायका बालबालिकाले सरकारबाट पाउने भरणपोषण भत्ता नपाओस मनसाय बोकी जातीय विभेदको नजरले दलित भएकै कारण जन्मदर्ता बनाउन अनाकानी गरेको पिडित पक्षको आरोप लगाए । नाती चार वर्ष हुन लागेको विद्यालय भर्नाको लागि जन्मदर्ताको बनाउन वडा कार्यालय गएपनि बालकको बुवा वडा कार्यालय उपस्थित हुनु पर्ने, विवाहदर्ता र नागरिकता पेश गर्नु पर्ने भन्दै फर्काएको ठकाइ चमारले बताए । जन्मदर्ता पाउने मौलिक अधिकार हो ।
नेपालको संविधानको धारा ३९ मा मौलिक हक अन्र्तगत प्रत्येक बालबालिकालाई आफ्नो पहिचान सहितको जन्मदर्ताको हक हुने छ भनि स्पष्ट व्यवस्था हुदा हुदै पनि वडा अध्यक्ष महतोले विभिन्न बहानामा जन्मदर्ताबाट बन्चित गराउने मनसायमा देखिएको पिडित पक्षले दुख व्यक्त गरे । बालक डेविस कुमार महराको मिति २०७१ मंसिर ६ गते साविक रघुनाथपुर–४ मा जन्मेका छन् । बुवा धिरेश महरा ३ वर्षदेखि वैदेशिक रोजगारीको क्रममा सहुदी अरवमा छन् ।
धिरेशको विवाह धनुषाको साविक बनिया गाविस हाल लक्ष्मीया गाउँपालिकाकी अम्विका कुमारी महरासँग विवाह भइ एक छोरा जन्मेका थिए ।-बिनोद महरा
