विजयकुमार साह
ढल्केवर, भदौ २० गते ।
धनुषामा ट्रिपरले फेरी दुईजनाको ज्यान लिएको छ । पुर्र्व पश्चिम राजमार्ग अन्तर्गत धनुषाधाम नगरपालिका ९ धारापानीमा आज विहान १० बजे ट्रिपरले मोटरसाइकललाई ठक्कर दिँदा दुईजनाको घटनास्थलमै मृत्यु भएको हो ।
मृत्यु हुनेमा उदयपुरको त्रियुगा नगरपालिका ४ बस्ने २५ वर्षीय विकास राई र २३ वर्षीय सचिन्द्र राई रहेको छ।
पश्चिमबाट पुर्वतर्फ जादै गरेको ना १ प ६१८९ नम्बरको ट्रिपरले अगाडी जाँदै गरेको स ५ प ९०४६ नम्बरको मोटरसाईकललाई अभरटेक गर्ने क्रममा किचेको स्थानीय प्रत्यक्षदर्शीले जनाएको छ ।
शवलाई पोष्टमार्टमकालागि जनकपुर अञ्चल अस्पतालमा ल्याउने तयारी भइरहेको ट्राफिक प्रहरी कार्यालय धनुषाले जनाएको छ । ठक्कर दिने ट्रिपर र चालकलाई ईलाका प्रहरी कार्यालय धारापानीले नियन्त्रणमा लिएको छ ।
पछिल्लो समय धनुषामा ट्रिपर आतंक बढेको छ । यस अघि गत साउन २६ गते जनकपुर ढल्केवर सडक खण्डमको महेन्द्र नगरमा बा. ८ ख. ११७० नम्बरको ट्रिपरले धनुषाधाम नगरपालिका– ५ नौसय बिघाका २६ वर्षीय उमेश दासको ज्यान लिएको थियो ।
धनुषामा ट्रिपर आतंक बढेको छ । तिव्रगतिमा ट्रिपरि कुदाउँदा सडकमा आवत जावत गर्ने अन्य सवारी साधन र यात्रुहरुलाई आवागमन गर्न असहज भएको छ ।
