शिरीष सम्बाददाताजनकपुरधाम, भदौ १५ ।
मुख्यमन्त्री लालवावु राउतले प्रदेश नं. २ मा शेयर बजारको विस्तारका लागि प्रदेश सरकार हरसम्भव सहयोग गर्ने प्रतिबद्धता व्यक्त गर्नु भएको छ ।
नेपाली पूजीबजार लगानीकर्ता संघ प्रदेश समितिले आज जनकपुरमा आयोजना गरेको पूजी बजारको अवसर र चुनौती विषयक अन्तरक्रिया कार्यक्रममा प्रमुख अतिथिको आसन बाट बोल्नुहुँदै मुख्यमन्त्री राउतले सो प्रतिवद्धता व्यक्त गर्नु भएको हो ।
जानकारीको आभावले यस भेगका लगानीकर्ताहरुको पहुँच शेयर वजारमा हुन नसकेको बताउनु हुँदै उहाँले शेयरबजार बारेको शिक्षा गाँउ गाँउ सम्म पु¥याउन प्रदेश सरकारले सहयोग गर्ने उल्लेख गर्नु भयो ।
शेयर लगानीकर्ताहरुले जनकपुरमा व्रोकर अफिसको लागि पहल गरि दिन गरेको आग्रहमा उहाँले प्रदेश सरकार लगानीकर्ताहरुको साथमा रहने उल्लेख गर्नु भयो ।
मुख्यमन्त्री राउतले शेयर बजारको लगानीले लगानीकर्ताको मात्र नभई प्रदेशकै आर्थिक विकासमा योगदान पुग्ने विश्वास व्यक्त भयो ।
नेपाली पूजीबजार लगानीकर्ता संघ प्रदेश नं. २का संयोजक सरोज उप्रेतीको अध्यक्षतामा सम्पन्न उक्त अन्तरक्रिया कार्यक्रममा केन्द्रिय अध्यक्ष राधा उपे्रती , बैंककर्मी , लगानीकर्ता सहितको व्यापक उपस्थिति रहेको थियो ।
