शिरीष सम्बाददाता
महेन्द्रनगर (धनुषा), भदौ १० गते ।
दाजुभाई तथा दिदीबहिनीबीचको प्रेम र स्नेहको पवित्र पर्व रक्षाबन्धन आज जनकपुर लगायत मिथिलाञ्चलभरि धुमधामसंग मनाईदै छ । प्रत्येक वर्ष श्रावण पूर्णिमाको रक्षाबन्धन पर्व मनाउने गरिन्छ । यस पर्वमा दिदीबहिनीहरुले दाजुभाईलाई फलफुल मिठाई लगायत विविध मिष्टान परिकार खुवाएर दिर्घायुको कामनदा गर्दै हातमा रंगविरंगी रेशमी धागो भएको राखी बाँध्ने गर्दछन् ।
दाजुभाईहरुले पनि दिदीबहिनीको जीवनमा आईपर्ने संकटमा सहयोग गर्ने बाचासहित श्रद्धाले जुडेको रुपिया, कपडा, गरगहना लगायतका सामग्री उपहार स्वरुप दिने गर्छन् ।
रक्षाबन्धन पर्वमा विवाहित दिदीबहिनीहरु दाजुभाईलाई राखी बाँध्न माईत आउने गर्छन् भने माईत आउन नसक्ने चेलीको घरमा दाजु भाइ आफैं जाने गर्छन् । दिदीबहिनी नभएकाहरुले कसैलाई दिदीबहिनी मानेर अथवा ब्राह्मण पुरोहित तथा पण्डितहरुको हातबाट राखी बाँध्न लगाउने गरिन्छ । त्यसैगरी दाजुभाई नभएका दिदीबहिनीले अर्कालाई दाजुभाई मानेर राखी बाध्ने गर्छन् ।
ब्राह्मणहरूद्वारा मन्त्र उच्चारण गर्दै पवित्रताको सुचक धागो बांधेर जीवनमा विभिन्न प्रकारको समस्या र असुरक्षालाई समाप्त गर्ने विश्वासका साथ यो पर्व मनाएको जनकपुर उपमहानगरपलिका वडा नम्बर ९ का रामगुण यादव बताउँछन् ।
जनै पूर्णिमामा जनै फेर्ने र ज्वाईलाई टीका लगाई हातमा फल तथा दक्षिणा दिने चलन आज पनि जीवन्त नै रहेको राराबमा विज्ञान संकाय प्रथम वर्ष अध्ययनरत्त विद्यार्थी सरोज यादवको भनाई छ । जनै र पबित्र हातमा बाधिने काचो धागोको महत्व हिजो आज यसलाई अलि फैसंनको रुपमा इन्डियाको देखासिकी गरेको यादवको बताउछन् ।
राखी सूत्र दाजुभाइद्वारा दिदीबैनीहरूको हरेक जटिल तथा वीपरित परिस्थितिहरूमा रक्षा गर्ने एक प्रतिज्ञा कवजको रुपमा रहेको जनकपुरका युवा आन्नद खड्खाको विश्वास छ । रक्षाबन्धनले पवित्रता अनि धर्म रक्षाको सुखद अनुभूति दिएको खड्का बताउँछन् ।
यसरी रक्षाबन्धन हर्षो उमंगका साथ मनाउँदै सबै इष्ट मित्र, संगी साथी, आफन्त तथा दाजुभाई र दिदि बहिनीहरु एक आपसमा हार्दिकता सटासाट गरेर जनकपुरमा उत्साहका साथ रक्षाबन्धन मनाइरहेका छन् ।
दिदी, बैनी र दाजुभाइको गहिरो नाताले रक्षाको धागो बाधेर सम्बन्धलाई अटल राख्न यो दिन पबित्र र अति नै महत्वपुर्ण मानिन्छ । आजै देखि बर्ष दिनमा आउने चाड पर्व पनि शुरु हुने गर्दछन् ।
सत्ययुगमा दैंत्यराज बलीलाई देवताहरुसँगको युद्धमा जानेबेला बहिनीहरु गङगा र यमुनाले साउन शुक्ल पूर्णिमाका दिन खास बिधिबाट अभिमन्त्रित गरिएको डोरा बाँधीदिनाले सबै युद्धमा उनको जित भएको पौराणिक धार्मिक विश्वास रहि आएको छ ।
यता रक्षाबन्धनको अवसरमा आज प्रदेश नं. २ सरकारले सार्वजनिक विदा दिएको छ ।
