विजय कुमार साह
धनुषा, साउन १४ गते ।
ईलाका प्रहरी कार्यालय ढल्केवरले विभिन्न स्थानमा रहेको मदिरा भठ्ठी, मदिरा पसल र सवारी चेकजा“च गर्ने क्रममा नियन्त्रणमा लिएको करिब १४ सय लिटर घरेलु मदिरा नष्ट गरेको छ । धनुषाको ढल्केवर, पुष्पलपुर, धारापानी, भिमान लगायत विभिन्न स्थान र समयमा ठुलो परिमाणमा नियन्त्रणमा लिएको अबैध घरेलु मदिरा नष्ट गरेको हो ।
नियन्त्रणमा लिएको सो अबैध घरेलु मदिरा प्रहरीले आईतवार स्थानियवासी, बुद्धिजीवी, नागरिक समाज, पत्रकार लगायतको रोहवरमा नष्ट गरेको छ ।
शान्ति सुरक्षालाई ध्यानमा राखेर प्रहरीले मदिरा भठ्ठी, मदिरा पसल र सवारी चकजा“च गर्ने क्रममा करिब १४ सय लिटर अबैध घरेलु मदिरा बरामद गरेको ईलाका प्रहरी कार्यालय ढल्केवरका प्रहरी निरिक्षक सरोज राईले बताए ।
गत असार १३ गते धनुषाको कमला नगरपालिकामा विशाक्त रक्सी(घरेलु मदिरा) सेवनले एकै गाउ“का पा“च जनाको ज्यान गएपछि स्थानिय प्रहरी प्रशासनले अबैध घरेलु मदिरा नष्ट गर्ने अभियान तिव्र पारेको छ । घरेलु मदिरा सेवनले विभिन्न स्थानमा ज्यान जान थालेपछि तथा समाजमा अपराधिक गतिवीधी बढ्दै गएको भन्दै धनुषा प्रहरीले घरेलु मदिरा उत्पादन तथा बिक्री वितरणमा कडाई गरेको छ ।
