मुकेश कुमार ठाकुर
जनकपुरधाम, असार ७ गते ।
संघीय समाजवादी फोरम नेपाल धनुषाको आयोजनामा सम्मान तथा कार्यकर्ता भेटघाट कार्यक्रममा बोल्दै संघिय समाजवादी फोरम नेपालका केन्द्रिय सदस्य तथा पार्टीको प्रमुख सचेतक उमाशंकर अरगरियाले वर्तमान सरकारसंग भएको सम्झौता अनुसार पहिलो संशोधन वर्षौदेखि नागरिकताबाट वंचित रहेका जन्मसिद्ध नागरिकताधारीको सन्तानलाई नागरिकता सहज रुपमा दिने हुने बताएका छन्
कार्यक्रमका प्रमुख अतिथि समेत रहनु भएका अरगरियाले भने आफ्नो पार्टी सरकारमा सत्ता भोगका लागि होइन मधेश आन्दोलनबाट उठेका मुद्दा संविधान संशोधनबाट सम्बोधन सम्बोधन गराउनका लागि सहभागी भएको हो । उनले भने संविधान संशोधनको पहिलो बुंदा नै वर्षौदेखि नागरिकताबाट वंचित रहेका जन्मसिद्ध नागरिकताधारी जनताका सन्तानलाई सहज रुपमा दिलाउने हुने बताउंदै भने मधेश आन्दोलन सहितका विभिन्न आन्दोलनबाट उठेका मुद्दा क्रमिक रुपमा संशोधन गराउंदै मधेशी जनताको अधिकार स्थापित गराउने रहने योजना आफ्नो पार्टीको रहेको बताए ।
प्रमुख सचेक अरगरियाले आगामी पांच वर्षपछि हुने निर्वाचनबाट प्रदेशमा राजपा र फोरम नेपालको गठबन्धनमा होइन फोरम नेपालको एकल बहुमतबाट सरकार निर्माण र संघीय सरकारमा समेत भारी बहुमतका साथ सहभागिताको तयारीका साथ पार्टी संगठन विस्तारमा अघि बढन कार्यक्रममा उपस्थित नेता कार्यकर्ताहरुलाई निर्देशन समेत दिए । प्रदेश नं. २ का आन्तरिक मामिला तथा कानून मन्त्री ज्ञानेन्द्र कुमार यादवले संघीय सरकारद्वारा संचालन हुदै आएको प्रहरी प्रशासनलाई प्रदेश सरकारको मातहतमा ल्याउन जे संघर्ष गर्नुपर्छ आफू तयार रहेको बताएका छन् ।
संघीय समाजवादी फोरम नेपाल धनुषाद्वारा आयोजित सम्मान तथा कार्यकर्ता भेटघाट कार्यक्रमलाई सम्बोधन गर्दै मन्त्री यादवले भने संघीय सरकारको विभेद अहिलेपनि जारी रहेको छ, प्रदेश भित्रका प्रहरी प्रशासन आफ्नै मातहतमा राखेको छ, प्रहरी प्रशासनलाई प्रदेश सरकारको मातहतमा ल्याउनमा आफू दिनरात मेहनतमा जुटेको जानकारी गराउंदै भने जे संघर्ष गर्नुपर्छ त्यसका लागि आफू तयार रहेका छु । उनले भने संघीयतालाई धराप पार्दै विभेदको रणनीति तहत संघीय सरकारले धेरै मेहनत पश्चात प्रदेश सरकारले ल्याउन लागेको प्रदेश प्रहरी ऐनलाई असफल पार्न आन्तरिक मामिला तथा कानून मन्त्रालयका सचिवलाई नै विभिन्न बहानामा सरुवा गरेको आरोप लगाए । कार्यक्रममा फोरम नेपाल प्रदेश नंं. २ का पार्टी सचेतक शैलेन्द्र यादव मुलुकमा संघीयताको देन आफ्नै पार्टीको रहेको दाबी गर्दै यसलाई कार्यान्वयन पार्टी अध्यक्ष जोडतोडका साथ लागेको र यसैलाई पुरा गर्न पार्टी संघीय सरकारमा गएको प्रष्ट पारे । त्यसैगरी प्रदेश सांसद रामआशिष यादवले मधेशी जनताले पार्टीलाई दिएको बहुमत मतको कदर गर्न प्रदेशको विकास र समृद्धिका लागि मन्त्रि देखि सांसदसम्म सबै एकजुटका साथ अघि बढिरहेको भने ।
उनले आगामी दिनमा प्रदेशमा पार्टीको गठबन्धनको होइन पुर्ण बहुमतको सरकार बनाउने तर्फ सबै नेता कार्यकर्ताहरुलाई मेहनत गरेर अघि बढन आग्रह गरे । कार्यक्रममा केन्द्रिय सदस्य उर्मिला साह, अरुण सिंह मण्डल, बेचन यादव लगायतका वक्ताहरुले समेत मधेशी जनताले पछिल्लो पटक मतबाट दिएको सम्मानलाई उनको अधिकार र समृद्धिमा काम गर्न मन्त्रिदेखि नेता कार्यकर्ताहरुसम्म लाग्नुपर्ने सहितका धारणा राखे । फोरम नेपाल धनुषाका अध्यक्ष चन्देश्वर महतोको अध्यक्षतामा सम्पन्न प्रदेश मन्त्री, सांसद, संघीय सांसद, केन्द्रिय सदस्य लगायतका नेताहरुलाई फुलमाला तथा दोसस्ला ओढाई सम्मान गरिएको थियो । कार्यक्रममा केन्द्रिय, प्रदेश तथा जिल्ला स्तरीय नेता कार्यकर्ताहरुको उल्लेखनीय सहभागिता रहेको थियो ।
