अमित ठाकुर
रौतहट,
गत शनिबार कटहरिया नगरपालिका वडा नंबर ९ डुुमरियाका चिकित्सक दिलिप साहको १२ वर्षीय छोरा युुवराज साहको अपहरण पछि बालकलाई गोली हानी हत्यामा संलग्न रहेको पिडित परिवारले आरोप लागेका एकजना प्रहरी जवान फरार भएको छ ।
बालक अपहण पछि हत्या जस्ता घटनाका मुुख्य योजनाकार रहेका कटहरिया नगरपालिका वडा नंबर ९ का वडा अध्यक्ष रामाज्ञा यादवका भाई प्रहरी जवान होश नारायण यादवलाई जिल्ला प्रहरी कार्यालयमा हाजिर हुनका लागि पत्राचार गरेपछि प्रहरी जवान यादव फरार भएको छ।
चिकित्सक दिलिप साहको छोरा युवराजको अपहरण र हत्या प्रकरणमा संलग्न रहेका यादव दाजुभाईसहित १६ जना विरुद्ध मंगलबार इलाका प्रहरी कार्यालय गरुडामा पिडित चिकित्सक साहले किटानी जाहेरी दर्ता गराएको थियो। प्रहरी जवान यादवको बारा जिल्ला मुुसहर्वा प्रहरी चौकी दरबन्दी रहेको छ।
प्रहरी जवान यादवलाई ३ दिन पहिला हाजिर हुनका लागि जिल्ला प्रहरी कार्यालयबाट पत्राचार गरेको थियो। तर प्रहरी जवान अहिले सम्म हाजिर न भएको र सम्पर्क बिहिन भएको छ। बारा जिल्लाका डिएसपी रञ्जित राठौरले पत्र अाएको भोलि पल्ट प्रहरी जवान होस नारायण यादवलाई रवाना दिएर पठाएको छ। दुुईदिन बित्दा प्रहरी जवान यादव अहिले न रौतहट न बारा प्रहरी सम्पर्कमा रहेकोले यादवलाई खोजी कार्यमा प्रहरी परिचालन भएका छन।
अपहरणकारीले एक करोड फिरौती मारेको र त्यो नपाएपछि युवराजको कन्चटमा गोली हानेर हत्या गरेको प्रहरीले जनाएको छ । प्रहरीले यसअघि मोबाईल सेट, २ वटा सिमकार्ड, हत्यामा प्रयोग भएको हतियार एकथान थ्रिनटथ्री गोलीसहित १२ जना अभियुुक्तलाई अहिलेसम्म नियन्त्रणमा लिसकेको छ ।
