शिरीष सम्बाददाता
महेन्द्रनगर(धनुषा), २८गते जेष्ठ
क्षीरेश्वरनाथ नगरपालिका वडा नं. ६ स्थित पासवान टोलमा विरामी थला परेको एक बिरामी वृद्ध र बृद्धा (दम्पती) जो ढाड दुखाईको पीडाले हिडडुल समेत गर्न असक्षम थिए । पीडामा रहेका जेष्ठ नागरीक द्वयलाई ह्याप्पी फ्यामली टिमको सहयोगमा उपचार गराईएको छ । अति विपन्न तिनिहरुको मेडिकल चेकअप सहित औषधी खरिद गरि उपचारको प्रबन्ध मिलाईएको छ ।
ह्याप्पी फ्यामली टिमका अध्यक्ष प्रतिभा क्षेत्री र सदस्य सुभेक्षा बोगटीको उपस्थितीमा टिमले उपलब्ध गराएको औषधी, खाद्यन्न चामल, दाल, तेल, आलु, प्याज, नुन लगायत फलफूल, हर्लिक्स र लत्ताकपडाहरु पत्रकार महासंघ प्रदेश २ का सदस्य पत्रकार अजय साहले पीडित नागरीक द्वयलाई हस्तान्तरण गरेका छन्।
सोहि अबसरमा उक्त पासवान टोलका दुई दर्जन बढी बालबालिकाहरुलाई उनिहरुको अध्ययनमा सहयोग पुग्ने उद्देश्यले कपी, पेन्सिल तथा लुगाहरु समेत ह्याप्पी फ्यामली टिमका अध्यक्ष प्रतिभा क्षेत्री र सदस्य सुभेक्षा बोगटीले प्रदान गरे ।
यस अघि यस टिमले क्षीनपाका अति विपन्न गरिब, असहायहरु १सय ५० जनालाई लामखुट्टेको टोकाईबाट बच्नको लागि झुल वितरण समेत गरेको थियो ।
सोहि झुल वितरण कार्यक्रमको बेला वडा नं. ६ सदस्य कमल राउतले ती बृद्ध–बृद्धाको दयनिय अवस्था बारेमा जानकारी गराएको थियो । टिमले सोहि बेला उनिहरुको अवस्था हेरेर सामान्य सहयोग गर्दै पुनः सहयोग गर्न आउने वाचा गरेका अनुसार यस पटक औषधोपचारको बन्दोबस्त गर्नुको साथै अन्य सहयोग समेत प्रदान गरेका हुन् ।
सहयोग पछि टिमका अध्यक्ष प्रतिभा क्षेत्रीले भनिन्– झपछिल्लो समय चाडैं भेट्ने भनेर हामी छुटेका थियौ । धेरै चाडैं त हामी आउन सकेनम तर ढिला नै भनेनी आउन पाउँदा खुसीको अनुभव भएको छ। यि बिरामी बा–आमाको लागि सहयोगको कार्यक्रम लिएर ह्याप्पी फ्यामली टिम काठमाडौंबाट महेन्द्रनगर सम्म आइपुगेका छौ ।’
अहिले औषधी, खाद्यन्न, लताकपडा, फलफूल वाहेक थप उपचार र चेकअपको लागि वडा सदस्य कमल राउत र वडा सचिव शशीभुषण गुप्ताको जिम्मामा नगद ६ हजार हस्तान्तरण गरिएको छ ।
टिमले पुनः यस्तै किसिमको सहयोगका प्याकेजहरु लिएर आउने वाचा समेत गरेको छ ।
