विजय कुमार साह
धनुषा, २५गते जेष्ठ
धनुषा र महोत्तरीमा आज भएको सवारी दुर्घटना परि दुईजनाको मृत्यु भएको छ ।
धनुषाको ढल्केवर–जनकपुर राजमार्गको मिथिला नगरपालिका वडा नं.६ भक्तिपुर स्थित सडक खण्डमा मोटरसाईकल दुर्घटनामा परी एकजनाको मृत्यु भएको छ ।
इलाका प्रहरी कार्यालय ढल्केवरले दिएको जानकारी दुर्घटनामा परेर मृत्यु हुनेमा मिथिला नपा ६ ढल्केवर बस्ने ३१ वर्षीय नरेन्द्र कुमार महतो रहेको छ ।
ज.६प. २९१० नम्बरको मोटरसाइकल दिउँसो अनियन्त्रित भई सडक छेऊको आँपको रुखमा ठोक्किएर दुर्घटना भएको थियो । जनकपुरबाट किराना पसलको सामान लिएर ढल्केवर तर्फ आइरहेको अवस्थामा दुर्घटना भएको हो । दुर्घटनामा परि नरेन्द्रके टाउको र छातीमा गम्भिर चोट लागेकोले हुँदा घटनास्थल मै मृत्यु भएको बताइएको छ ।
मृतकको शव परीक्षणको लागि जनकपुर अञ्चल अस्पतालमा राखिएको इप्रका ढल्केवर जनाएको छ ।
त्यसैगरी महोत्तरीमा बालुवा लोड गर्ने क्रममा ट्याक्टरले किचिएर एक मजदुरको ज्यान गएको छ ।
औरही नगरपालिका ३ श्रीपुर बस्ने ३५ वर्षीय सन्तोष रामको किचिएर मृत्यु भएको छ । स्थानीय जङ्गहा खोलामा ज १ त ५५५६ नम्बरको ट्याक्टरमा बालुवा लोड गर्न गएको बेला लडेर ट्याक्टर टाउकोमा चढेपछि मृत्युु भएको प्रहरीले जनाएको छ ।
मृतकको शव परिक्षणको लागि जिल्ला अस्पताल जलेश्वर राखिएको छ ।