जनकपुरधाम १६, जेठ
धनुषाको जनकपुरधाममा एक बालिकालाई जबर्जस्ती करणी गरेको आरोपमा एक जनालाई पुर्पक्षका लागि कारागार चलान गरिएको छ।
जनकपुर उपमहानगरपालिका कटैया चौरीकी एक १४ वर्षीया बालिकालाई जबर्जस्ती करणीमा संलग्न रहेको आरोपमा महोत्तरी गौशाला नगरपालिका- २ का राहुल भन्ने अजिल हुसेनलाई धनुषा जिल्ला अदालतले पुर्पक्षका लागि कारागार चलान गरेको होे।
हुसेनले बालिकालाई प्रेमिका बनाई आफ्नो कोठामा लगी अन्य पाँच जना मिलेर सामूहिक बलात्कार गरेको बालिकाले बयान दिएकी थिइन्।
बालिकाको घरपरिवारको जानकारीपश्चात धनुषा प्रहरीले मुख्य पीडकलाई पक्राउ गरे पनि अन्य भने फरार छन्। हुसेनलाई जिल्ला प्रहरी कार्यालय धनुषाको अपराध शाखाको टोलीले सोमबार पक्राउ गरेको थियो।
घटनामा संलग्न अन्य दुई जना यसअघि नै पुर्पक्षका लागि जलेश्वर कारागारमा रहेका छन्। उक्त मुद्दामा जनकपुर उपमहानगरपालिका- ४ बस्ने २२ वर्षीय सुमन पाण्डे र २० वर्षीय धनिकलाल साहलाई कारागार चलान गरिसकिएको छ भने थप दुई जना फरार रहेका जिल्ला प्रहरी कार्यालय धनुषाले जनाएको छ।-शिस
