महाेतरी २०७५ वैशाख २० गते
बर्दिवासमा प्राचीन चिकित्सा पद्धति आयुर्वेदको अनुसन्धान हुने भएको छ । यसका लागि राष्ट्रिय आर्युवेद अनुसन्धान तथा तालिम केन्द्र प्रादेशिक शाखाको स्थापना गरिएको छ । शाखा स्थापनापछि प्रदेश २ अन्तर्गत भावर र चुरेको प्राकिृतिक जंगलमा पाइने लोपोन्मुख अवस्थाका बहुमूल्य जडिबुटीको संरक्षण र प्रवद्र्धन हुने अपेक्षा जगाएको छ ।
प्रादेशिक शाखाको शिक्षा विज्ञान तथा प्रविधि मन्त्री गिरिराजमणि पोखरेलले मंलबार उद्घाटन गरेका हुन् । यसले आर्युवेद चिकित्सा पद्धति र जडिबुटि अनुसन्धानको पाटोमा नयाँ आयाम थप्ने उनले बताए । पोखरेलले शाखा अनुसन्धान मात्र केन्द्रित नरही आयुर्वेदको क्षेत्रमा मुलुकमै पुनर्जागरण ल्याउने अपेक्षा व्यक्त गरे । जडीबुटीको महत्त्वबारे जनसाधारणमा जानकारी गराई जीवनपद्धतिमै परिवर्तन गरी स्वस्थ्य र समुन्नत समाज निर्माणका लागि आफू स्वास्थ्य मन्त्री भएका बेला प्रदेशिक कार्यालय स्विकृत गरेको उनले स्मरण गरे । जनकपुरमा पनि यसको कार्यालय खोलिने उनले बताए ।
उनले आयुर्वेद जागिर खाने थलो नभई साधना गर्ने र समाजमा योगदान दिने कर्म स्थल भएको बताए । ‘आयुर्वेदका माध्यमले जीवन शैलीमाा परिवर्तन ल्याई बर्दिवासलाई अपराध र दुव्र्यसनबाट मुक्त गर्न सहयोग मिलने अपेक्षा लिएको छु’ पोखरेलले भने ।आयुर्वेद विभागका महानिर्देशक डा वासुदेव उपाध्याय तथा अनुशंधान अधिकृत डा मिथलेसकुमार साहले आयुर्वेदको महत्त्वलाई घरघर र जनजनसम्म पुर्याउन यो शाखाले अभियान छेड्ने जनाए ।
नेपाल जडीवुटी र जलश्रोतको धनी भए पनि यसको सहि सदुपयोग हुन नसक्दा मुलुकले वाञ्क्षित प्रगति गर्न नसको उनीहरूको भनाई थियो । ‘यो शाखाले बर्दिवास क्षेत्रको जीवनशैली सुधारी जडिबुटिको उपयोगले स्वस्थ जीवन प्रदान गर्ने छ’ महानिर्देशक उपाध्यायले भने । -शिस
