२०७५ वैशाख १८ गते
२५६२ औं बुद्ध जयन्तीको अवसरमा मिथिला नगरपालिकाको ढल्केवरमा दीप प्रज्वलन गरिएको छ । दाह्ी ग्याङ्ग समुहको आयोजनामा ढल्केवरको चौकमा रहेको पार्कमा दीप प्रज्वलन गरिएको थियो । विभिन्न रङ्गको समायोजन गरि नेपालको नक्सा र बुद्धको चित्र बनाई मैनवति बालेर दीप प्रज्वलन गरिएको समुहका सदस्य देवराज घिमिरेले बताए । नेपालको नक्सा र बुद्धको आकृति स्थानीय युवा मोहन बास्तोलाले बनाएको थियो ।
दीप प्रज्वलन कार्यक्रममा मिनपा(६ का वडा अध्यक्ष भक्त बहादुर बलम्पाकी, सोम प्रसाद शर्मा, राजलाल महतो, कल्पना कडारी लगायत राजनीति कर्मी तथा समाजसेवीहरुको सहभागिता रहेको थियो । केही दिनअघि ढल्केवरमा समुह गठन भएको दाह्ी ग्याङ्ग समुहले गत शनिबार सरसफाई कार्याक्रम समेत गरेको थियो । -शिस
