महेन्द्रनगर(धनुषा), २२गते चैत्र
धनुषाको पुर्वी क्षेत्र धारापानीमा आज विहिवार विहान बम विस्फोट भएको छ ।
जिल्ला प्रहरी कार्यालय धनुषाले दिएको जानकारि अनुसार धनुषाधाम नगरपालिका वार्ड नं ९ धारापानी भिमानमा विस्फोट भएको छ ।
राजमार्ग भन्दा पाँचसय मिटर भित्र जंगल क्षेत्रमा बम विस्फोट भएको हो । विस्फोटमा परि जंगलमा घाँस काट्नका गएकि एक महिला घाइते भएकी छिन् ।
धनुषाको प्रहरी उपरिक्षक चक्र वहादुर सिंहले विष्फोटमा परी स्थानीय ६० वर्षीया तिर्थमाया तामाङ्गको हातमा गम्भिर चोट लागेको बताउनुभयो ।
घाईते महिलालाई उपचारको लागि जनकपुर अंचल अस्पतालमा भर्ना गरिएको प्रहरीले जनाएको छ ।
बम कसले, किन र कसरी विस्फोट भएको यकिन हुन नसकेको तथा यस बारे अनुसन्धान सुरु गरिएको प्रहरी उपरिक्षक सिंहले बताउनु भयो । -शिस