सिरहा, चैत ९ । सिरहाको लहान नगरपालिका ६ मा शुक्रबार दिउँसाे बम बिस्फोट भएको छ । बम बिस्फोटमा परी पाँच जना घाइते भएको प्रहरीले जनाएको छ ।
लहान मजारको मूख्य भागमा बम बिस्फोट हुँदा बजारमा किनमेलका लागि आएका पाँचजना घाइते भएका प्रहरीले जनाएको छ । घाइतेहरुको परिचय खुल्न सकेको छैन् । घाइते मध्ये ४ जनाको लहानस्थित सप्तऋषि अस्पताल र २ जनाको लहानकै रामप्रसाद उमाप्रसाद स्मारक अस्पतालमा उपचार भईरहेको इलाका प्रहरी कार्यालय लहानले जनाएको छ ।
बम बिस्फोट कसले र किन गराएको भन्ने केही खुल्न सकेको छैन । घटनाको अनुसन्धान भैरहेको इलाका प्रहरी कार्यालय लहानका प्रहरी नायव उपरीक्षक गणेशचन्द ठकुरीले जानकारी दिनुभयो ।
यसअघि गत फागुनमा पनि लहानको विभिन्न ठाउँमा अज्ञात समूहले बम बिस्फोट गराएका थिए । लहानमा एक वर्षको अवधिमा यो सहित चार पटक बम विस्फोट भईसकेको छ ।
साभार उज्यालो
